A campaña, desenvolvida con motivo do Día Mundial do Cancro de Mama, destaca a importancia de coidar o medio ambiente e a saúde mediante a prevención
Burela, 14 de outubro de 2022. Ecovidrio, a entidade sen ánimo de lucro encargada da xestión da reciclaxe dos residuos de envases de vidro en España, pon en marcha por oitavo ano consecutivo a campaña “Recicla vidro por elas” en colaboración coa Delegación de Medio Ambiente do Concello de Burela. Unha iniciativa que ten como obxectivo mobilizar á cidadanía para reciclar envases de vidro co fin de coidar do medio ambiente e contribuír así cunha causa solidaria: a prevención do cancro de mama.
A partir do martes que vén, 18 de outubro, e durante as próximas semanas, un iglú rosa estará situado en Burela. Ecovidrio transformará os envases de vidro depositados nos contedores nunha doazón á Fundación Sandra Ibarra.
Nesta ocasión, a campaña estendeuse por máis de 170 cidades de todo o territorio nacional como Sevilla, Valladolid, Zaragoza, Vigo, A Coruña, Murcia ou Logroño. Así pois, Ecovidrio instalou 400 contedores rosas por todo o país.
Ademais de contar con Sandra Ibarra, presidenta da Fundación, como embaixadora do proxecto, Sara Herranz uniuse á iniciativa e elaborou un manifesto titulado “Prometo coidarme”, para concienciar á cidadanía da importancia do coidado do medio ambiente e a autoexploración para a prevención deste tipo de cancro.
Pola súa banda, como símbolo da concienciación e solidariedade co cancro de mama, Agatha Ruiz da Prada deseñou un miniglú especial para a ocasión, no que se destaca o lema da Fundación Sandra Ibarra: “Cheas de vida”. O miniglú poderase adquirir a través da web Miniglú.es, e os beneficios destinaranse á Fundación Sandra Ibarra para contribuír á prevención e investigación do cancro.
A concelleira de Medio Ambiente en Burela, Toñi Eijo, informou desta campaña que se iniciará a vindeira semana facendo un chamamento “a todos os veciños e veciñas para que amosen o seu apoio á loita contra o cancro de mama, apostando pola prevención e visibilizando unha enfermidade que moitas familias viviron ou están a vivir de preto”.
Así mesmo, subliñou o apoio do Concello de Burela “a todas as iniciativas que conciencian e sensibilizan sobre asuntos que realmente son importantes, e que nesta ocasión suman dous aspectos fundamentais para a nosa sociedade: a nosa saúde e o coidado ao medio ambiente”. Rematou “enviando moito agarimo ás mulleres que están a pasar un momento difícil por esta enfermidade, non estades soas”.
Datos de reciclaxe de vidro en Burela
Segundo os últimos datos relativos a 2021, os habitantes burelenses reciclaron un total de 206,8 toneladas de envases de vidro, o que supón que cada habitante reciclou de media 21,9 kg. Respecto á taxa de contenerización, Burela sitúase cunha media de 98 habitantes por contedor, contando cun total de 96 iglús para os residuos de envases de vidro instalados.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
