A maleta comeza a súa andadura no Concello de Viveiro e continuará a súa viaxe nos centros penitenciarios da provincia, CIM, asociacións de mulleres vítimas de violencia de xénero ou servizos sociais que soliciten a maleta para traballar nos seus centros
Viveiro, 20 de outubro 2022. A subdelegada do Goberno en Lugo, Isabel Rodríguez, presentou esta mañá no Concello de Viveiro o proxecto “MAVI: a Maleta Viaxeira contra a violencia de xénero”, a nova iniciativa do Goberno que nace para achegar libros de diferentes temáticas relacionadas co feminismo, a igualdade, o empoderamento, a autoestima ou a violencia machista ás veciñas e veciños.
Tal e como indicaba Rodríguez, “trátanse de textos que promoven a reflexión, a sensibilización e concienciación sobre temas determinantes para conseguir unha sociedade máis igualitaria e libre de violencias, favorecendo un pensamento crítico ante os estereotipos e roles de xénero que perpetúan estas violencias e desigualdades”.
Durante a presentación desta iniciativa, enmarcada dentro do programa de actividades levadas a cabo polo Goberno para conmemorar o Día Internacional de violencia contra a muller, a subdelegada estivo acompañada pola alcaldesa de Viveiro, María Loureiro, a concelleira de Cultura e Muller, Lara Fernández, a responsable da Unidade contra a Violencia de Xénero, Mª Luisa Castro, e traballadoras municipais.
A subdelegada agradeceu á alcaldesa de Viveiro o interese mostrado neste proxecto e a súa boa disposición para traballar conxuntamente contra a lacra da violencia machista.
A maleta comeza a súa andadura no concello mariñán, na que permanecerá un mes, e continuará a súa viaxe nos centros penitenciarios da provincia, centros de información á muller, asociacións de mulleres vítimas de violencia de xénero ou servizos sociais dos municipios que soliciten a maleta para traballar con estes materiais nos seus centros.
“Trátase dunha viaxe sen data de volta, pois a idea é que a maleta poida continuar percorrendo a provincia e aumentando ou variando os libros que viaxan nela”, sinalou Rodríguez. Nesta primeira etapa, a maleta conta con doce libros infantís, xuvenís e para adultos, co obxectivo de que non só as mulleres, senón tamén as nenas e mozas poidan formar parte do proxecto.
Entre as obras que garda a maleta atópanse títulos como “¿Hay algo más aburrido que ser una princesa rosa?”, de Raquel Díaz Reguera; “La cenicienta que no quería comer perdices”, de Nunila López e Myriam Cameros; “Todos deberíamos ser feministas”, de Chimamanda Ngozi; “Mi marido me pega lo normal”, de Miguel Lorente Acosta; “Cansadas”, de Nuria Varela; “El libro de la hija”, de Inma López Silva; ou “Rosalía Feminista”, de Helena González Fernández, entre outros títulos. Ademais, a maleta contén un diario de viaxe no que as persoas que participen no proxecto poderán escribir e compartir as súas reflexións sobre as lecturas.
Así mesmo, explicou que os diferentes Concellos polos que pasará a maleta poden engadir aqueles libros escritos ou protagonizados polas mulleres do municipio, “co obxectivo de visibilizar o talento e as historias das mulleres da nosa provincia”.
Durante o acto, a subdelegada informou que a día de hoxe na provincia de Lugo contabilízanse 604 casos acitvos dentro do Sistema de seguimento de violencia de xénero (Viogén). Concretamente, non hai casos catalogados de risco extremo, pero si hai 5 de risco alto, 95 que son de risco medio, 261 de risco baixo e 243 de risco non apreciado.
“Datos que reflexan a necesidade de traballar xuntos, entre todas as institucións e colectivos, para erradicar a violencia de xénero, un problema que segue moi presente na sociedade. Por este motivo levamos a cabo esta iniciativa que invita ás persoas a reflexionar, fomentando a educación en dereitos, igualdade e liberdades na sociedade. Esa é a contribución que queremos que teña a Maleta Viaxeira que hoxe comeza o seu percorrido na provincia”, sinalou Rodríguez.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
