Pérez criticou a “falta de vontade do Goberno do PP para organizar unha resposta unitaria do sector ante unha prohibición que afecta a 200 barcos e centos de empregos
Santiago de Compostela, 18 de outubro 2022. A portavoz de Pesca, Rosana Pérez, demandou ao Goberno do PP “a presentación dun recurso inmediato” ante a decisión da Unión Europea de prohibir a pesca de artes de fondo en 87 caladoiros do Atlántico noroccidental.
A deputada do BNG advertiu dos efectos desta prohibición “que xa se están a notar, sobre todo nos barcos de pincho que operan no Gran Sol, aínda que esta norma está dirixida ós barcos de arrastre”. Así mesmo, puxo o foco na situación “moi grave” que esta decisión xera para unha frota xa afectada pola incerteza e pola crise económica.
Neste sentido, Pérez reclamou á Xunta que solicite ante a UE e ante o Goberno do Estado medidas que compensen economicamente aos armadores e ás tripulacións e criticou “a actitude dun presidente Rueda que non pisa Bruxelas para defender á xente do mar”. Recriminoulle, ademais, á bancada popular “que sexan tan bravucóns no Parlamento e non o sexan tanto para defender os intereses galegos”.
Para a deputada nacionalista un exemplo da inacción do Partido Popular é a negativa a presentar un recurso contra o veto da Comisión de Pesca. E iso, “despois de prometerlle ao sector que esgotaría todas as vías legais para reverter esta daniña decisión”. As críticas de Pérez tamén alcanzaron ao goberno central, porque ao igual que a Xunta, “nada fai salvo manifestar timidamente o seu desacordo”. E tamén foi crítica cunha Unión Europea “que di non ter mecanismos para salvar a frota galega pero si os ten para arruinala”.
A parlamentaria nacionalista acusou á Xunta o de “falta de vontade ante o veto”, unha prohibición arbitraria e inxusta que mesmo está prexudicando a frota allea á pesca de fondo. A portavoz de Pesca lamentou que, a día de hoxe, o Goberno do Estado só ofreza como alternativa “paradas temporais ou despezamentos, respostas inxustificables que amosan o nulo interese que hai en evitar a redución de embarcacións e a perda de postos de traballo”.
A deputada do Bloque esixiu “a convocatoria inmediata do Consello Galego de Pesca e a presentación do recurso perante a Unión Europea, independentemente do que faga o Estado”. Na mesma liña, reclamou “o despregue de todo tipo de accións para impedir os despezamentos de barcos e unha compensación económica a armadores e tripulacións”. Propostas que se atoparon coa negativa do PP.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
