O Concello de Lourenzá dá a coñecer os nove grupos que participarán no IV Certame de Teatro Afeccionado

Lourenzá, 10 de outubro de 2022. O Concello de Lourenzá dá a coñecer os nove grupos que participarán no IV Certame de Teatro Afeccionado, que se celebrará no mes de novembro no novo local multiusos Ponte de Cuñas.

As obras e grupos seleccionados son:

A morte morrida, de O Centiño, de San Martiño de Foz
A liorta, de Avelaíña Teatro, de Pontevedra
Pepa Loba, de Teatro Coles, de Coles (Ourense)
Fatum, de Catre Teatro, de As Pontes (A Coruña)
Sainetes, de Quemaistén, de As Pontes (A Coruña)
Eres único, da Asociación Saúde Mental A Mariña, de Cervo
E se todo se reducise ao amor, de Os Palimoquiños, de Lugo
Vivan os noivos, de Adala Teatro, de Fazouro (Foz)
O documento, de Ollomao, de Barreiros

O concelleiro de Cultura, Manuel Arango Ron, anuncia que o 17 de decembro terá lugar a gala de entrega de premios, onde o Grupo de Teatro Baixo da Area, de Lugo, representará a obra Poeta en Nova York.

O premio á mellor representación está dotado con 750 euros e trofeo. Tamén haberá trofeos para os mellores actor e actriz, actores e actrices de reparto, posta en escena e un premio especial do público asistente. Todos os grupos participantes recibirán unha axuda económica de 300 euros, en concepto de gastos de desprazamento, material, etcétera.

Tanto as representacións das obras presentadas a concurso como a gala de entrega de premios terán lugar no novo local multiusos Ponte de Cuñas e as entradas terán un prezo simbólico de 3 euros, agás a gala final, que será de balde.