Os populares cren que é o momento de que, coincidindo coa elaboración e tramitación dos respectivos orzamentos, dean resposta ás necesidades de Lugo en canto á mellora das estradas
Lugo, 20 de outubro de 2022. A hora da verdade cando se trata de medir a capacidade de compromiso dos gobernos chega no momento da elaboración dos orzamentos. O Goberno central e a Xunta xa presentaron os seus proxectos orzamentarios; a Deputación aínda non. En todo caso, segundo sinala o portavoz popular na Deputación, Javier Castiñeira, “estamos nun momento de elaboración dos orzamentos e o PP, para o próximo pleno, presenta unha moción instando a todas as administracións que teñen competencia en estradas a que no 2023 fagan un esforzo máximo na mellora das estradas na provincia, empezando pola propia Deputación, que ten máis de 4.000 quilómetros e moitas delas están en mal estado, o que causa dificultades a moitos veciños”. Castiñeira cre que “no caso da Deputación, non está a cumprir nin de lonxe coa súa obrigada, e é debido a que o presidente Tomé non se fía dos seus compañeiros para xestionar Vías e Obras, empeñouse en pilotar el esta delegación e o resultado é o desastre en que se converteu a rede provincial de estradas”.
Indica tamén, en relación ao Estado, que “as grandes infraestruturas están practicamente conxeladas, como podemos dicir da A-74 en A Mariña, a autovía Lugo-Ourense e os retrasos na Lugo-Santiago; coa Xunta temos temas relevantes como é o corredor Nadela-Sarria, que é fundamental que se siga traballando nel”.
Castiñeira indica: “E necesario que as vías estean en boas condicións, porque crean economía, seguridade e comodidade; son fundamentais para os residentes na zona rural”.
De cara á posición de socialistas e nacionalistas, o portavoz popular espera “que esta moción sexa apoiada por todos os grupos, para que neste tempo de elaboración de orzamentos haxa un compromiso máximo coa mellora das estradas que é fundamental para o desenvolvemento da nosa provincia”.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
