As actividades comezarán o sábado con dous obradoiros para os máis novos da casa e continuarán o luns coa saída para pedir caramelos. Non faltará a Noite Meiga
Viveiro, 26 de outubro de 2022. O Concello de Viveiro invita a todos os veciños e veciñas da vila a desfrutar dende este sábado e ata o lunes día 31 dunha ampla programación prevista para as festas do Samaín nas rúas do Casco Histórico.
O sábado comezan os Obradoiros do Samaín con dúas actividades para os máis cativos. Así, entre as 11:00 e as 12:30 horas, levaránse a cabo os talleres de elaboración de gadoupas para os cativos e cativas entre os 4 os 7 anos, mentras que entre as 12:30 e as 14:00 horas os que aprenderán a facer unha lámpada serán os nenos e nenas de 8 a 12 anos.
Sen dúbida será o mellor xeito de pasar as horas á espera da gran cita do luns día 31, cando chegue por fin o momento para os máis novos de saír a pedir caramelos e bailar polas rúas de Viveiro.
Haberá amenización musical e o reparto de caramelos é cortesía do Concello e da asociación Centro Comercial Histórico de Viveiro para aqueles que acudan disfrazados aos comercios asociados.
“Queremos agradecer a Casco Histórico a súa colaboración. Os caramelos son proporcionados polo concello e repartidos en locais asociados, así que unha vez máis traballamos en conxunto nunha acción como é o Samain”, suliña a concelleira de Cultura e Muller de Viveiro, Lara Fernández Fernández-Noriega.
Ademais, na noite do 31 tamén se celebrará a Noite Meiga coas danzas das Meigas e queimada que contará co acompañamento da Charanga A Santa Compaña. A cita será na Placiña da Herba entre as 22:00 e as 00:30 horas.
Dentro das actividades desta festa do Samaín, dende o Concello tamén se está a promover a recuperación dos zonchos. Trátase dunha tradición moi estendida hai décadas que consistía en ir ao camposanto, no día 1 de novembro, cun colar de zonchos feito con castañas cocidas colgado no pescozo para honrar aos finados.
A tradición dos zonchos está relacionada co magosto, ritual funerario que aínda hoxe consérvase coa venda de castañas nas portas dos camposantos. “Convidamos a todos os veciños e veciñas de Viveiro a continuar coa tradición dos Zonchos, un ritual centenario que queremos manter pois forma parte do noso patrimonio cultural e material. É algo moi noso e non debemos de perdelo e pasarllo a todos os nenos e nenas”, afirma Lara Fernández Fernández-Noriega.
“Convidamos a todo os que teñan algunha foto con estes tradicionais zonchos de hai anos a que as subas nas súas redes sociais para visibilizar esta tradición e que así tamén rememoremos aqueles tempos nos que todos saíamos á rúa cos nosos colares de castañas”, engade a concelleira de Cultura e Muller de Viveiro.
#concellodeviveiro #samainconcellodeviveiro
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
Unha xornada de convivencia que comezará ás 11:30 h na Alameda, con misa de campaña, sesión vermú, comida, sorteo e festa ata as 19:00 h. A principal novidade é o menú con paella, sobremesa, bebida e café. Para participar é preciso vale: 7 € para persoas empadroadas e 10 € para non empadroadas e acompañantes, dispoñible nas oficinas municipais, onde tamén se pode solicitar transporte. Senllos concellos animan á veciñanza maior a sumarse a esta cita de encontro e recoñecemento.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
