Burela, 8 de novembro, 2022. Este martes clausurouse en Burela unha nova edición da “Interfederativa de Confrarías de Pescadores do Cantábrico-Noroeste”, un evento que impulsa desde hai anos a Federación Provincial de Confrarías de Pescadores de Lugo para reflexionar sobre temas de interese das frotas artesanais, analizar a súa situación actual e os principais retos de futuro.
A conselleira do Mar da Xunta de Galicia, Rosa Quintana; a secretaria xeral de Pesca do Ministerio de Agricultura, Pesca e Alimentación, Alicia Villauriz; o alcalde de Burela, Alfredo Llano; e o presidente da Federación Provincial de Confrarías de Lugo e da Federación Nacional de Confrarías, José Basilio Otero, presidiron o acto de clausura do Congreso de Pesca Artesanal do Cantábrico-Noroeste, no que presentaron un resumo das conclusións e acordos alcanzados entre o sector pesqueiro e as administracións.
Previamente, este martes pola mañá levouse a cabo unha reunión de traballo conxunta entre representantes das confrarías e das administracións pesqueiras, tanto de España como das comunidades autónomas do cantábrico. Durante máis de tres horas os representantes do sector expuxeron ás administracións as principais conclusións derivadas da primeira xornada da Interfedrativa, que se celebrou o luns pola tarde.
En representación do Ministerio de Agricultura, Pesca e Alimentación, Alicia Villauriz felicitou á organización por celebrar este tipo de reunións, nas que se xeran debates moi importantes para a mellora continua do sector. Segundo a secretaria xeral de pesca, na xornada matinal deste martes tratáronse algunhas das preocupacións actuais do sector, que condicionan a rendibilidade da pesca; así como outros temas que deben asegurar o futuro do mar, por exemplo o relevo xeracional.
Pola súa banda, Rosa Quintana destacou o carácter das frotas galegas e do cantábrico, que ante momentos de dificultade sempre se erguen cunha mirada optimista ao futuro. A conselleira do Mar da Xunta de Galicia apoia tanto ao goberno como ao sector pesqueiro nas súas reivindicacións fronte á Unión Europea, solicitando a suspensión temporal do regulamento de execución aprobado pola Comisión Europea e que veta a pesca de fondo.
O presidente da Federación Provincial de Confrarías de Lugo, José Basilio Otero, compartiu as conclusións que se debateron na Interfederativa do luns e que se acababan de presentar ás representantes da administración.
Este ano entre os principais temas tratados non podían faltar os espazos vulnerables mariños, ademais do xurelo, as titulacións profesionais, a problemática coas tramitacións a sede electrónica, o novo regulamento das OPPs ou a xestión do plan da anchoa.
O peche da clausura correu a cargo do alcalde de Burela, Alfredo Llano, que, ademais de saudar e dar a benvida a Burela a todos os participantes, lembrou que “estamos todos no mesmo barco” e que “nos enfrontamos a momentos dunha crise extraordinaria que temos que solucionar entre todos”.
No encontro, que tivo lugar no Hotel Nordés o 7 e 8 de novembro, participaron representantes das Federacións de Confrarías de Guipúzkoa, Bizkaia, Cantabria, Asturias, Lugo, A Coruña e Pontevedra.
Durante a reunión Interfederativa de Confrarías do Cantábrico Noroeste, celebrada na tarde do luns, os representantes dos depósitos acordaron unha serie de temas que serviron como documento de traballo na reunión que o martes pola mañá mantivo o sector pesqueiro artesanal coas administracións central e autonómicas.
A xornada contou tamén coa asistencia da directora xeral de Pesca Sostible, Mª Isabel Artime García; o director xeral de Ordenación Pesqueira e Acuicultura, Juan Ignacio Gandarias Serrano; o director xeral de Pesca, Acuicultura e Innovación Tecnolóxica da Xunta de Galicia, Antonio Basanta; o director xeral de Pesca Marítima do Principado de Asturias, Francisco González Rodríguez; a directora de Pesca e Alimentación de Cantabria, Marta Ana López López; e o director de Pesca e Acuicultura do País Vasco, Leandro Azcue Múgica.
No acto de clausura uníronse os representantes das organizacións de pesca de Lugo, Armadores de Burela, Porto de Celeiro, OPP-7 do Porto de Burela e OPP-77; e outras entidades pesqueiras e económicas de ámbito local.
Tamén puxo en valor o labor de Fonmiñá e a importancia dunha cita cultural que cumpre 48 edicións. Para Vilalba, a incorporación da actriz ao Paseo do Cine é un recoñecemento que a vila sente como propio.
A actividade permitiu aos nenos e nenas gozar dun espectáculo de maxia pensado para transmitir, dun xeito ameno e divertido, valores relacionados coa igualdade, o respecto, a convivencia e a eliminación de estereotipos. Con iniciativas como “Abrazando a igualdade”, o Concello de Xove continúa apostando por achegar aos máis pequenos actividades educativas diferentes, propostas culturais e de lecer nas que a cultura, a diversión e a transmisión de valores van da man.
Félix Jorquera conversou co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fixo balance do verán, que todos valoraron de xeito positivo, e analizou os proxectos para os vindeiros meses.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
