Lugo, 11 de novembro de 2022. O circuíto de teatro afeccionado da Vicepresidencia da Deputación de Lugo programa para esta fin de semana unha decena de representacións en diferentes concellos: A Fonsagrada, Pol, Muras, As Nogais, Alfoz, Mondoñedo, O Corgo, Guitiriz, Cervo e Lugo.
Axenda e notas sobre as obras
ESCOLA DE VAQUEIRAS (METÁTESE TEATRO)
Venres 11 de novembro | 20:30h | SALÓN DE ACTOS MUNICIPAL OS CHAOS (FONSAGRADA)
Comedia. Todos os públicos.
Sinopse:
Un grupo de homes e mulleres que desexan regresar ao rural, deciden asistir a unha academia na que se imparten clases maxistrais sobre as labores do campo, establecéndose en clave cómica un paralelismo entre o universo da aldea galega e o vello Oeste Americano. Nesta obra amósase un sorprendente universo teatral no que se reflexiona, con altas doses de humor e retranca, sobre a vida na aldea, sobre os conflitos familiares, sobre a convivencia entre veciños, sobre a igualdade nos roles…
O TERAPEUTA (PICO DO CASTRO)
Sábado 12 de novembro | 18:00h | CENTRO SOCIOCULTURAL DE MOSTEIRO (POL)
Comedia. Público adulto.
Sinopse:
O lugar de encontro: un consultorio psicolóxico. Os personaxes: un doutor con especialidade na psique humana e un doente cun complexo de Edipo tan grande, pero tan grande, que… ata o mesmo Edipo lle recomendaría terapia! Así as cousas, o doente irá pouco a pouco sacando ao doutor das súas casillas a pesar da súa paciencia. Neste senso, ambos personaxes disputarán o protagonismo da escena tratando, con moita intelixencia e humor, temas como a incomunicación familiar, os condicionamentos sociais, a hipocresía, a soidade e a sexualidade.
A TORTILLA E A PESTE (NOVA ESCENA)
Sábado 12 de novembro | 19:00h | CASA DO MÉDICO (MURAS)
Comedia con música en directo. A partir de 14 anos.
Sinopse:
Cinco mulleres contan a súa experiencia durante o período do confinamento. A privación de contacto, o illamento e a distancia fan que as cousas cotiás, como facer unha simple tortilla, adquiran unha dimensión diferente, converténdose no ‘‘axis mundi’’ duns personaxes ligados á realidade a través do fío da tecnoloxía.
ARTE (HIPÓCRITA TEATRO)
Sábado 12 de novembro | 19:30h | CENTRO SOCIOCULTURAL (AS NOGAIS)
Comedia. Todos os públicos.
Sinopse:
Esta é unha obra construída con personaxes que se revelan pouco a pouco ata adquirir unha complexidade insospeitada e que, entre risas, moitas risas, nos mostrarán unhas cantas cousas nada banais sobre nós mesmos, sobre a fraxilidade das relacións humanas e sobre a incapacidade para entender e para amar por riba dos nosos propios prexuízos.
Veremos como, en cuestión dunha semana e por un motivo aparentemente trivial, tres amigos fan saltar polos aires unha relación de vinte anos, comportándose como nacións en guerra: alianzas secretas, pactos rotos e, sobre todo, tolerancia cero.
ALBERGUE CASA AMARELO (O MISTERIO DA VIA REXIA) (LUME ESCÉNICO)
Sábado 12 de novembro | 20:30h | CENTRO SOCIOCULTURAL (ALFOZ)
Comedia. A partir de 12 anos.
Sinopse:
A Vía Rexia é a máis antiga do Camiño Norte de Santiago, pero fai séculos desapareceu dos mapas e escritos peregrinos. A razón? un misterio que debe ser resolto na mesma aldea de Xudán. Hai xudeus e xudías en Xudán? O mesmo Paco que ocupa no Vaticano o lugar de Pedro o pescador, busca unha resposta. O grande misterio da cristiandade será revelado.
A LENDA DE XIAN (CURUXAN TEATRO IMPRO)
Sábado 12 de novembro | 20:30h | AUDITORIO MUNICIPAL PASCUAL VEIGA (MONDOÑEDO)
Comedia de improvisación. Público adulto.
Sinopse:
Esta é unha nova aventura impro na que o público é o que decide os acontecementos que marcan o desenvolvemento da trama. O público escolle personaxes e sucesos, e os actores son os que resolven, por iso que nunca se sabe cal vai ser o final da historia, todo será o resultado da
improvisación.
VIVAN OS NOIVOS (A ADALA)
Sábado 12 de novembro | 20:30h | LOCAL SOCIAL CELA (O CORGO)
Comedia. Todos os públicos.
Sinopse:
Olegario e Olvido son un matrimonio que está a facer fronte ao coidado dos seu respectivos pais xa maiores, Lisarda e Casimiro. Ambos pasan o día a
competir e discutir. Tanto discuten, que os fillos deciden levalos a unha residencia. Unha vez alí, ante a falta de atención dos fillos e a sospeita de que estes soamente pensan na herdanza, únense, convertíndose en apoio o un do outro. Finalmente, como o roce fai o cariño, decidiron marchar da residencia para gozar xuntos dos seus aforros e vivir plenamente o seu amor.
CLOWNCERTAZO (FALCATRUEIROS)
Domingo 13 de novembro | 17:30h | CASA HABANERA (GUITIRIZ)
Comedia. Todos os públicos.
Sinopse:
Unha historia de sete músicos, ou sete clowns… ou sete… sete que? Sete que van dar o concerto da súa vida, un concerto moi importante, ante un público esixente que non quita ollo ante tal espectáculo, e todo ten que saír á perfección. Serán capaces? Parece doado, ou non? Quizais non sexa tan sinxelo preparar un concerto, quizais se poida complicar, quizais empecen a xurdir problemas, quizais, quizais, quizais…
VIVAN OS NOIVOS (A ADALA)
Domingo 13 de novembro | 19:00h | POLIDEPORTIVO DE VILAESTROFE (CERVO)
Comedia. Todos os públicos.
Sinopse:
Olegario e Olvido son un matrimonio que está a facer fronte ao coidado dos seu respectivos pais xa maiores, Lisarda e Casimiro. Ambos pasan o día a
competir e discutir. Tanto discuten, que os fillos deciden levalos a unha residencia. Unha vez alí, ante a falta de atención dos fillos e a sospeita de que estes soamente pensan na herdanza, únense, convertíndose en apoio o un do outro. Finalmente, como o roce fai o cariño, decidiron marchar da residencia para gozar xuntos dos seus aforros e vivir plenamente o seu amor.
NO FÍO DAS HISTORIAS (ALENTÍA TEATRO)
Mércores 16 de novembro | 16:00h | PAVILLÓN CEIP CASÁS (LUGO)
Comedia. Público familiar.
Sinopse:
Desde unha perspectiva dinámica, cómica e pedagóxica, preséntanse varias historias que invitan a reflexionar con humor sobre o ecoloxismo, a diversidade, a tolerancia… Personaxes disparatados como a raíña Mirona, o
monstro do lixo, o pallaso despistado… buscarán sacar a gargallada do patio de butacas. O público só ten que deixarse envolver por un espectáculo cargado de fantasía e moita luz.
87 representacións de 29 compañías
O Circuíto de Teatro Afeccionado da Vicepresidencia da Deputación de Lugo, en marcha desde mediados de outubro, mantén en xira polas comarcas vinte nova compañías. Ata final de ano, programaranse un total de 87 representacións, intgramente financiadas pola área de Cultura que mantén así mantén o apoio ás artes escénicas e ofrece a asociacións e concellos a posibilidade de ampliar as súas axendas culturais.
As datas, horarios e lugares das representacións difúndense e actualízanse en cultura.deputacionlugo.gal
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
