Burela, 16 de novembro de 2022. Unha representación dos grupos de participación adolescente de Burela e de Viveiro asistiu no Parlamento de Galicia no X Foro Infantil de Unicef. A Santiago viaxaron acompañados polas edís de Servizos Sociais de ambos Concellos, Carmela López e Victoria Baamonde, pola informadora xuvenil de Viveiro Lorena Mera e pola educadora familiar de Burela Noelia Legaspi.
O acto deu comezo coa benvida da vicepresidenta 1ª do Parlamento, Elena Candia, á que seguiron as intervencións dos 12 voceiros dos Consellos Locais de Castrelo de Miño, Moaña, Ponteareas, Redondela, Teo, Ames, Viveiro, Burela, Nigrán, Cabanas, Tomiño e Moeche.
María, do grupo de participación adolescente de Burela, centrou a súa intervención nos servizos cos que conta Burela para abordar unha problemática tan importante como a da saúde mental e tamén nas necesidades que sofre a poboación neste ámbito. María contou que nesta comarca traballa a Asociación de Axuda ao Enfermo Mental da Mariña, que conta con sedes en Burela e tamén en Cervo, en Ribadeo e en Viveiro. E referiuse ao recurso específico do que dispón este colectivo, unha vivenda tutelada para mulleres vítimas de violencia de xénero e que padecen enfermidades mentais. As idades das usuarias oscilan entre os 16 e os 65 anos, segundo os datos aos que aludiu María onte no Parlamento de Galicia.
Esta moza tamén fixo fincapé nas listas de espera que hai na Mariña para que unha persoa poida ser atendida na Unidade de Saúde Mental, do Centro de Saúde de Burela, onde traballan tres psiquiatras e dous psicólogos. María dixo que a mocidade bota en falla recursos relacionados coa promoción da saúde e coa prevención de problemas psicolóxicos, sobre todo dirixidos á infancia e á xuventude. E avogou porque se impartan nos centros de ensino contidos de intelixencia emocional ou unha asignatura dedicada especificamente á xestión de emocións, de ansiedade, de estrés, de frustación… “que todos e todas as persoas xoves vivimos nalgún momento”.
Tras as intervencións dos xoves chegados desde diferentes puntos de Galicia foi a quenda para a presidenta de Unicef Comité Galicia, Myriam Garabito. Logo tomaron a palabra os representantes dos grupos parlamentarios e tamén interviñeron o Director Xeral de Familia, Infancia e Dinamización Demográfica, Jacobo José Rey Sastre, e a vicepresidenta 1ª do Parlamento, Elena Candia.
O X Foro Infantil de Unicef rematou coa entrega de diplomas aos Consellos participantes e do manifesto O noso futuro, as nosas ideas por parte das nenas e dos nenos que leron o manifesto ás autoridades presentes.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
