Os populares lembran que a falta de PXOM mantén bloqueada a actividade da construción no municipio e crea graves problemas a veciños como os de A Misericordia
Viveiro, 9 de novembro de 2022. O goberno de Viveiro, presidido pola socialista María Loureiro, é incapaz de ir máis alá da xestión do “pinta e colorea”, como o demostra o feito de que todos os asuntos verdadeiramente relevantes seguen atascados na recta final do mandato municipal. Un dos asuntos que non saen adiante, con grave prexuízo para os intereses do municipio, é a tramitación do imprescindible Plan Xeral de Ordenación Municipal. Así o pon de manifesto o portavoz popular, Óscar Rodríguez, ao fío da sesión plenaria celebrada na noite do martes pola corporación municipal. “Unha vez máis quedou claro que o goberno local é incapaz de sacar adiante o planeamento urbanístico”.
Para o portavoz popular, “é inaudita a incapacidade dos gobernos presididos por alcaldes socialistas en Viveiro para dotar ao concello dun planeamento urbanístico acorde ás necesidades e condicións do municipio, no seu conxunto, e da cidade en particular”. Engade: “Levamos anos e anos nos que supostamente se está a traballar para a redacción do PXOM, pero todos os anos acaban sen que se saiba nada sobre o novo planeamento”.
Rodríguez indica: “O desenvolvemento de Viveiro está bloqueado por falta de PXOM; e dicir que está bloqueado quere dicir que o sector da construción está parado e que son moitos os veciños que sofren as consecuencias da falta de desenvolvemento urbanístico dos seus barrios”. Cita, nesta liña, o caso dos veciños de A Misericordia, que reclaman, sen éxito, a mellora do acceso a este barrio”.
O portavoz popular lamenta que aqueles que no seu momento apoiaron ao socialistas non foran capaces de esixir que se executaran os compromisos con eles adquiridos, como foi o da redacción do PXOM. “Non será pedindo máis comisións nas que o goberno diga o mesmo que leva anos dicindo como se dotará a Viveiro do PXOM que necesita e cada vez con máis urxencia”. Rodríguez lamenta que a única reacción do goberno local sexa intentar botar a culpa da súa incapacidade de xestión a outros organismos e administracións.
Óscar Rodríguez sinala: “Con tal de non asumir responsabilidades, son capaces de dicir o que faga falta e de facelo sen ruborizarse. Unha boa mostra é a resposta do goberno local fronte á nosa petición para mellorar o pavimento da Calexa das Monxas; limitáronse a indicar que se hai caídas é porque os peóns non usan o calzado adecuado. E quedaron tan anchos”.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
