Ribadeo, 2 de decembro de 2022. O Concello acometerá obras nas vindeiras semanas nos camiños municipais das parroquias de Covelas, Cedofeita, Remourelle, Arante, Vilaousende, Ove, Vilaselán, Piñeira, Vilaframil e A Devesa. O investimento ascenderá a 700.000 euros, dos que 285.000 proveñen da Deputación de Lugo e o resto de fondos propios, segundo deu a coñecer o alcalde, Fernando Suárez.
O rexedor dixo que “é unha boa noticia para as parroquias deste noso Concello. Sempre queremos facer un reparto dos recursos que están á nosa disposición entre a vila e o campo. Tentamos facelo o mellor que sabemos. E sabemos tamén que a poboación na súa meirande parte se está a concentrar na vila, pero por nada do mundo queremos deixar de prestar servizos e deixar de mellorar as infraestruturas das nosas parroquias, tanto nas da costa como nas do interior”.
Suárez Barcia explicou que “para isto, e como vimos facendo nestes últimos anos, imos darlle nas próximas semanas unha boa voltiña aos camiños municipais de todas as nosas parroquias. Por unha banda, seguimos cos programas de rebacheos para que aqueles camiños que estean en mal estado, poidan seguir sendo transitables. E logo, co diálogo que sempre mantemos coas Asociacións de Veciños e veciñas para aceptar as súas suxerencias, imos avanzando firmemente no aglomerado dos camiños municipais. De aquí, que tanto co programa de Plan Único asinado entre o Concello e a Deputación, como con outros de fondos propios, imos actuar na parroquia de Covelas, no núcleo das Anzas e na estrada de Barreiros a San Vicente; en Requiande, Cedofeita; nas Pereiriñas, en Remourelle; en Cei, en Arante; en Santalla de Vilaousende; en Fornelo, de Couxela; na Palmeira e na Capela, en Ove; en Campoxurado e na Igrexa na parroquia de Vilaselán; no Outeiro na de Piñeira; no Coto e no Regueiral, en Vilaframil; e na parroquia da Devesa será na Rochela, na de Vilandriz a Vilagoíz e máis na de Meirengos aos Castros”.
O alcalde subliñou que “en total son máis de 700.000 euros, dos que a Deputación de Lugo pon 285.000, significando que a parte restante pona o Concello de Ribadeo de fondos propios. Aí se ve quen inviste de verdade en Ribadeo, máis aló de chilindradas varias que outros vendefumes prometen e que logo sempre acaban en nada”.
E engadiu: “as empresas adxudicatarias destas obras son Isidro Otero de Mondoñedo e máis Carferlo de Viveiro”.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
