Os populares lembran que se colle a residencia o Consorcio “perderiamos o privilexio de que os veciños de Foz teñan prioridade para entrar e perderían a prioridade tamén os propios traballadores”
Foz, 16 de decembro de 2022. O portavoz popular en Foz, Javier Castiñeira, avisa de que “os vaivéns do alcalde, Fran Cajoto, a súa irresponsabilidade e falta de compromiso está poñendo en serio risco o servizo da residencia da terceira idade de Foz”. Considera que “está pasando o mesmo que pasou coa Escola de Música, pero con algo moito máis grave, porque estamos a falar dos residentes, dos seus familiares e do futuro dos traballadores”.
Castiñeira sinala: “O PP de Foz vén avisando dende hai meses de que o equipo de goberno ten que sacar canto antes o concurso da residencia, porque o contrato coa empresa remata a mediados de xaneiro e a licitación dun contrato deste tipo leva varios meses”. Adiante que “se non se tramita con meses de antelación o que vai pasar é que caducará o contrato; iso foi o que pasou no Servizo de Axuda no Fogar, coa xestión da auga e é o que vai pasar coa residencia da terceira idade”. Para os populares, “o peor de todo é que neste caso estamos nas mans da empresa, porque se decide non continuar, o Concello vai ter que facerse cargo tanto dos residentes como os traballadores”.
Para Castiñeira, “a idea do alcalde de ceder novamente a residencia ao Consorcio é unha idea prexudicial para os intereses do pobo de Foz, porque perderiamos o privilexio de que os veciños de Foz teñan prioridade para entrar na residencia e perderían a prioridade tamén os propios traballadores”. Isto é así “porque, por un lado, o contrato está así firmado, e, por outra parte, porque o consorcio ten o seu propio regulamento e a súa propia rede e tería que adaptarse á rede total da Xunta de Galicia”.
Para o portavoz popular, “o señor Cajoto é un absoluto irresponsable neste asunto e, aínda por enriba, non foi capaz de ter unha relación correcta coa empresa deste servizo”. Explica: “Vimos de pasar uns problemas enormes cunha pandemia e coa crise económica, de aumento dos prezos da enerxía, e o señor Cajoto non foi capaz de chegar a un acordo coa empresa para reequilibrar o servizo; iso é o que moi probablemente levará á empresa a non seguir en Foz”.
Castiñeira destaca que chove sobre mollado. “É un problema do señor Cajoto que se repite, co que pasou na Escola de Música, moi parecido ao de Axuda no Fogar ou aos de servizos como o de auga”. Castiñeira asegura: “Cajoto só quere botar balóns fóra e neste caso está a crear un problema enorme aos residentes e aos traballadores da residencia; o Concello non vai ter máis que asumir ese servizo. O mellor sería manter a normalidade destes catro anos, pero por culpa de Cajoto non vai ser posible”.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
No evento participarán todas as seccións da escola, que amosarán o traballo desenvolvido ao longo do ano. A entidade adianta tamén que está a ultimar os preparativos da XL Feira do Bonito, da que ofrecerá máis información proximamente.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
