Viveiro, 1 de decembro. O Concello de Viveiro informa de que o próximo luns, 5 de decembro, ás 18:00 horas, terá lugar o acendido das luces de Nadal no municipio. Ademais, continuando cos actos tradicionais destas datas, abrirase ao público o belén ‘Viveiro ante o berce’ no atrio da Igrexa de Santa María.
A actuación do Coro Infantil do CEP Lois Tobío amenizará estes actos, que tamén contarán este ano co tradicional chocolate con churros.
O belén ‘Viveiro ante o berce’ está considerado como un dos máis importantes de Galicia, tanto pola súa beleza e a dimensión das pezas que o compoñen, como pola extensión do conxunto do propio belén e por estar instalado nun enclave histórico-monumental único.
“Dende o Concello de Viveiro animamos a toda a veciñanza e aos visitantes a que se acheguen ao noso municipio para desfrutar do ambiente de Nadal, sobre todo a partir do luns co acendido da decoración”, subliña a alcaldesa de Viveiro, María Loureiro.
Para pechar este día tan especial no que as rúas da vila destilan xa ilusión e se preparan para o Nadal, o Concello de Viveiro segue no camiño de normalizar a inclusión e de colaborar solidariamente con asociacións que traballan en pro da saúde mental e da inclusión coa celebración dunha gala de maxia solidaria.
Así, o Teatro Pastor Díaz acolle, a partir das 20.30 horas, a actuación que levan a cabo AMAM e Saúde Mental A Mariña na que interveñen cinco magos. O prezo da entrada é de 5 euros e todo o recadado será doado a apoiar á Asociación Saúde Mental A Mariña.
“Estamos moi contentos de poder colaborar con eles e agardamos que sexa una gala multitudinaria para así poder contribuír e darlles esa axuda que precisan para poder loitar por un mundo mellor e por un mundo máis inclusivo”, afirma Lara Fernández Fernández-Noriega, concelleira de Cultura e Muller.
O público poderá desfrutar dunha proposta que parte da música tradicional galega, combinando a gaita e as frautas con instrumentos como o violín, acordeón, guitarra, baixo ou percusión, nunha mestura de tradición e modernidade cun marcado carácter atlántico e celta. A actuación, con entrada libre, ofrece unha noite para gozar da música galega en directo e seguir achegando a cultura e a tradición aos espazos públicos do municipio.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Foi a unhas oito millas de Estaca de Bares. O 112 Galicia tivo coñecemento do suceso arredor das 22:30 horas deste luns a través do Servizo de Gardacostas de Galicia, que indicou que se mobilizaba o helicóptero Pesca II logo de que se producise lume nun barco, con tres tripulantes a bordo. Porén, os mariñeiros foron evacuados do lugar a través dun pesqueiro que se atopaba na zona para, posteriormente, ser trasladados en ambulancia. Por outra banda, o barco finalmente afondou no mar. Cómpre mencionar que neste operativo tamén participaron Salvamento Marítimo e a Garda Civil.
Esta actividade, organizada polo Concello de Lourenzá, será na praza César Chavarría Pacio e haberá tres funcións: ás 13:00, ás 18:30 e ás 20:00 horas. A entrada é de balde por orde de chegada ata completar aforo. A alcaldesa de Lourenzá, Rocío López, destaca que “a maxia é unha desas propostas que sempre ten unha acollida moi especial en Lourenzá. Gusta aos pequenos, pero tamén consegue sorprender e ilusionar aos maiores, converténdose nun plan perfecto para gozar en familia”.
Xunto a autoridades locais, destacou a importancia de preservar as tradicións e lembrou que a Deputación destinou este ano 400.000 € ao Concello para servizos básicos. A festa, creada en 1992 e impulsada pola Asociación de Amigos da Malla, busca recuperar e poñer en valor este oficio tradicional. A programación incluíu documental, obradoiros, música, exposicións de maquinaria antiga e actividades para nenos.
Ata a Cedofestiña, que tivo lugar onte no Pazo de Cedofeita, se achegaron o alcalde, Dani Vega, e a concelleira de Cultura, Begoña Sanjurjo. O Concello colaborou unha edición máis coas Vacas Fracas.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
