“Resulta sorprendente que en pleno século XXI, a Xunta siga obrigando a resolver de xeito presencial a tramitación deste certificado e que ademais o centralice na capital da provincia, obrigando ós gandeiros e a todos aqueles que o solicitan a desprazarse”
Lugo, 26 de decembro de 2022. O PSdeG demanda á Xunta axilizar a tramitación administrativa para obter o Certificado Dixital, e poder concorrer así a subvencións e tramitar expedientes coas diferentes administracións. Tras escoitar as queixas das gandeiras e gandeiros lucenses, o Grupo Provincial do PSdeG na Deputación de Lugo reclamará á Xunta no vindeiro Pleno, a través dunha moción, reformas na tramitación deste documento.
Concretamente, a través desta proposta, demandan ó Goberno autonómico “dotar do persoal necesario ó Rexistro da Delegación de Lugo para garantir que se atenden todas as citas concedidas para obter o Certificado Dixital, e que tome as medidas precisas para descentralizar a realización deste trámite, estudando coa Deputación e os concellos fórmulas que eviten os desprazamentos ou os reduzan considerablemente”.
Ademais, na iniciativa rexistrada o PSdeG insta á Xunta “a mellorar a cobertura de liña telefónica e internet para avanzar no camiño de facilitar o acceso á administración por vía telefónica e dixital ós veciños do rural lucense”.
Os gandeiros lucenses fixéronse eco destas trabas
Dende o PSdeG sinalan que os gandeiros da provincia de Lugo “denunciaron publicamente as dificultades que están a atopar para tramitar a obtención do Certificado Dixital no Rexistro da Xunta en Lugo, debido á carencia de persoal”. Advirten de que moitos dos gandeiros que acudiron “non foron atendidos a pesares de contar cunha cita concertada previamente, o que supuxo un desprazamento de balde, coa consecuente perda de tempo e o gasto derivado do mesmo”.
“Resulta sorprendente que en pleno século XXI, a Xunta siga obrigando a resolver de xeito presencial a tramitación deste certificado, e que ademais o centralice na capital da provincia, obrigando ós gandeiros e a todos aqueles que o solicitan a desprazarse, nun modelo de atención ó cidadán que parece propio do século XIX”, aseguran os socialistas.
Imprescindible para optar a axudas
O PSdeG lembra que contar co Certificado Dixital é imprescindible para poder optar ás axudas do Kit Dixital que concede o Ministerio de Agricultura. Como as axudas se conceden por orde de presentación, a incapacidade e falta de previsión da Xunta pode privar ós gandeiros lucenses do acceso ás mesmas.
“Dende o Grupo Socialista da Deputación de Lugo vimos denunciando a perda de servizos públicos no rural, e a creación por parte da Xunta dun modelo de dúas velocidades, que amplía a fenda entre o rural e o urbano en lugares de reducila”, aseguran. “A idea de que os veciños e veciñas do rural teñan que acudir á capital a poñer unha vacina ou a facer un trámite administrativo é incompatible co desenvolvemento de Lugo, e supón un agravio para a poboación do rural, que ve como os seus dereitos constitucionais como cidadáns se ven atendidos cun modelo de inferior calidade ós dos veciño e veciñas das cidades”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
