Mónica Freire volveu reclamar á Xunta que cumpra coa produción ecolóxica
Lugo, 31 de xaneiro de 2023. O BNG acadou a unanimidade do Pleno provincial para reclamar ao goberno do Estado e á Xunta de Galicia que prioricen os investimentos en construción e mantemento das vías que vertebran a provincia de Lugo, e especialmente na Autovía da Mariña e a VAC/VAP Costa Norte, entre San Cibrao (Cervo) e San Sadurniño.
No Pleno provincial celebrado esta mañá, o voceiro nacionalista Efrén Castro referiuse a situación provocada polo socavón na N-642 como caso paradigmático do “abandono” da provincia por parte dos gobernos estatal e galego. “Un problema nunha estrada deixou A Mariña partida pola metade e puxo unha vez máis de manifesto que as reiteradas peticións de investimentos nestas infraestruturas non son un capricho. Son investimentos imprescindibles para vertebrar e conectar a comarca”.
No que respecta á situación da N-642, o BNG demanda ao goberno do Estado que execute, á maior brevidade posible, as obras necesarias para reabrir ao tránsito rodado o tramo derrubado na N-642 en A Mariña, en condicións de seguridade e normalidade.
A iniciativa tamén urxe actuacións de reparación integral do firme das estradas N-540 e N-120 para dar solución definitiva ao problema que se agrava todos os anos coa chegada do mal tempo, e axilizar a execución da a A-56, entre Lugo e Ourense.
Zona de emerxencia de interese galego
O Pleno provincial tamén aprobou por unanimidade a proposta do goberno provincial para reclamar á Xunta de Galicia que declare as zonas afectadas polos temporais como “zona de emerxencia de interese galego” e habilite unha liña de axudas económicas para que as entidades locais -concellos e Deputación- poidan facer fronte aos danos rexistrados.
Efrén Castro sinalou que “se trata dunha demanda lóxica, que pide á Xunta que actúe no ámbito das súas competencias, dacordo coa Lei de Emerxencias de Galicia” e sinalou a intención do grupo provincial popular de diluir, durante o debate, a responsabilidade do goberno galego neste ámbito. “Cada vez que traemos aquí unha demanda que apela á Xunta de Galicia, póñense de perfil”, lembrou referíndose a iniciativas presentadas en relación coa sanidade, a atención ás persoas maiores ou os investimentos en infraestruturas.
Axudas á produción ecolóxica e defensa do sector primario
Durante as súas intervencións no debate plenario, a deputada Mónica Freire volveu reclamar á Xunta de Galicia que amplíe o orzamento das axudas á produción ecolóxica para atender as solicitudes presentada no 2022, tal como se demandou por unanimidade no pleno de decembro a iniciativa do BNG.
A responsable de Medio Rural no goberno provincial sinalou a “falla de planificación” e a “incapacidade de xestión” da consellería do ramo. “Gran parte dos problemas que estamos vivindo agora con estas axudas á agricultura ecolóxica veñen de moito atrás. A Xunta de Galicia leva 4 anos sen convocar estas axudas, e cando o fai, comete erros, non só de previsión orzamentaria, senón tamén de criterios de elixibilidade que deixan fóra ao 85 % das solicitudes de novas incorporacións”, lembrou a deputada nacionalista.
En relación co sector primario, lembrou tamén as iniciativas presentadas nas últimas semanas polo BNG no Parlamento e no Congreso solicitando ao goberno do Estado a redución do IVE do peixe. “Soamente entre outubro do 21 e outubro deste pasado 22, a caída do consumo de peixe reduciuse un 16%, de polo un 14%, de porco un 10% e de vacún un 15%. Realmente preocupante pola alimentación da poboación e tamén pola saúde dos sectores produtivos destes alimentos”, concluíu.
Apoio a manifestación nacional en defensa da sanidade pública
O Pleno tamén abordou a situación da sanidade pública a partir dunha moción do BNG, aprobada cos votos do PSOE, en apoio á manifestación nacional pola mellora da sanidade pública galega que a Plataforma SOS Sanidade Pública convocou para o vindeiro 12 de febreiro, en Compostela.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
No evento participarán todas as seccións da escola, que amosarán o traballo desenvolvido ao longo do ano. A entidade adianta tamén que está a ultimar os preparativos da XL Feira do Bonito, da que ofrecerá máis información proximamente.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
