O candidato popular di que “hai que cambiar tamén a maneira de xestionar, para pasar do modelo de parálise e ineficacia do goberno actual, ao modelo do PP, ao modelo que tan bo resultado lle deu a Barreiros durante anos, que é o modelo da eficacia”
Barreiros, 28 de xaneiro de 2023. O portavoz do PP en Barreiros, José Manuel Gómez Puente (1967), será o candidato popular á alcaldía deste municipio nas próximas eleccións locais, segundo se deu a coñecer no transcurso dun acto celebrado no restaurante La Yenka, ao que asistiu o coordinador do PP lucense, o mariñán José Manuel Balseiro; o deputado mariñán no Congreso Jaime De Olano; deputados do Grupo Provincial; alcaldes, portavoces e representantes do PP dos concellos da comarca, afiliados e veciños, entre outros.
Gómez Puente asume este reto “con moita ilusión, con moita responsabilidade e con moita humildade”, e o desexo de devolver Barreiros á senda dos avances conseguidos durante os anos en que gobernou o Partido Popular. “Escoita activa e vontade de dar participación” son dous dos principios que rexerán o traballo de Gómez Puente.
O candidato popular á alcaldía de Barreiros marca dende o principio liñas que o separan radicalmente do que foi o modo de proceder do goberno local nacionalista durante o actual mandato. Sinala: “Por un lado, quero acabar co sectarismo aplicado dende o Concello nestes últimos catro anos, quero poñer fin a ese modo de actuar con respecto aos veciños baseado na cor política”. Engade: “E quero cambiar tamén a maneira de xestionar, para pasar do modelo de parálise e ineficacia do goberno actual, ao modelo do PP, ao modelo que tan bo resultado lle deu a Barreiros durante anos, que é o modelo da eficacia”.
Gómez Puente sinala que o Concello de Barreiros ten que ampliar os servizos sociais que se ofrecen aos veciños, que son -di- practicamente os mesmos que deixou en marcha o PP.
O candidato tamén destaca que “Barreiros ten no turismo unha fonte primordial de xeración de riqueza e nestes catro últimos anos nada se fixo para favorecelo, senón todo o contrario”. Cita así a falta de socorristas, o feito de que está pechada a praia de San Bartolo, e que na de Altar o paseo está en moi malas condicións. “Hai que traballar con eficacia, cos propios recursos e buscando noutras administracións, para crear as condicións que favorezan que Barreiros sexa cada ano máis atractivo para o turismo”. Di que é hora de conseguir que os principais accesos ás praias conten con beirarrúas o, noutro caso, con sendas peonís.
En materia de infraestruturas, Gómez Puente considera que é fundamental conseguir a depuradora de San Miguel, porque, entre outras cousas, sen ela a praia de Arealonga seguirá estando pechada ao baño nunha parte.
Dende a dirección provincial do PP, o coordinador xeral e portavoz, José Manuel Balseiro, sinala: “O Partido Popular quere recuperar a alcaldía de Barreiros, un municipio no que gobernou moito tempo e no que o actual goberno non chegou a coallar”. Dende a dirección provincial popular sinálase que “nestes catro anos houbo unha falta de xestión total e absoluta; cambiouse a xestión pola política de pancarta”. Os responsables provinciais do PP din que “agora os veciños teñen a oportunidade de comparar que se fixo nestes catro anos, que é nada, co que se fixo durante os anos que gobernou o PP”. Nesta liña resaltan que “todas as obras importantes en Barreiros fíxoas o Partido Popular, ben directamente dende o Concello ben dende a Xunta de Galicia”.
A dirección provincial do PP resume así a xestión do actual goberno de Barreiros: “Non foi nin capaz de manter o que lle deixaron feito”.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
A viaxe, enmarcada no proxecto «Relevo Xeracional: O Futuro do Mar» e organizada en colaboración co GALP Itsas Garapen Elkartea, permitiu achegarse a iniciativas como Kofradia Basque Seafood, a Escola de Pesca de Ondarroa, AZTI, Albaola ou o Itsas Museo de Donosti, así como a proxectos vinculados directamente á actividade pesqueira e á divulgación, incluíndo o uso de realidade virtual. O intercambio con Euskadi permitiu coñecer modelos que combinan formación, investigación, transmisión do coñecemento e modernización do sector, contribuíndo a identificar novas vías para facilitar a incorporación da mocidade á actividade pesqueira e garantir a continuidade das comunidades costeiras galegas.
