Impartíronse nos centros da provincia un total de 324 conferencias relacionadas coa ciberseguridade, acoso escolar, adiccións, violencia de xénero ou prevención de incendios forestais, entre outras
O Incio, 24 de xaneiro de 2023. A subdelegada do Goberno en Lugo, Isabel Rodríguez, destacou hoxe no Incio o éxito de participación do “Plan Director para a convivencia e mellora da seguridade nos centros educativos e ás súas contornas” da provincia de Lugo, con case 11.000 asistentes en máis de 330 actividades durante o ano 2022. “Estes datos demostran o impacto que está a ter na comunidade escolar estas actividades e a demanda que existe para concienciar e contribuír á formación en idades temperás sobre valores tan importantes como o respecto e a igualdade, erradicando calquera tipo de violencia nas aulas”, apuntou Rodríguez.
A subdelegada participou esta mañá nunha charla sobre os riscos das novas tecnoloxías impartida pola Garda Civil ao alumnado de 4º, 5º e 6º de primaria do CEIP Ricardo Gasset, no Concello do Incio, un dos 100 centros que colaboran no Plan Director do Ministerio de Interior. Alí, acompañada do alcalde, Héctor Corujo; e da responsable do CEIP, Alba Vázquez; explicou que o obxectivo das actuacións programadas é responder a cuestións sobre seguridade que expoñen os escolares, profesorado e familias, adaptando as formacións ás necesidades de cada centro, “atendendo a situacións reais que viven os mozos e mozas no seu día a día para protexelos e axudalos”.
Deste xeito, o ano pasado impartíronse un total de 324 conferencias en centros da provincia de Lugo, das que 95 estiveron relacionadas cos riscos das novas tecnoloxías e a ciberseguridade, o que representa un 29% do total; 77 abordaron o problema do acoso escolar e o ciberacoso; 68 sesións estiveron dirixidas ás adiccións de alcohol e drogas; 44 charlas foron sobre violencia de xénero; 13 actividades versaron sobre o racismo, xenofobia e delitos de odio; e outras 27, encamiñadas á seguridade viaria, prevención de incendios forestais e orientación laboral. Así mesmo, realizáronse 13 exhibicións de medios policiais.
A subdelegada do Goberno lembrou que, aínda que se recomenda programar as charlas no primeiro trimestre de curso, os centros poden solicitar participar no Plan Director en calquera momento do ano. Ata hoxe, e desde o comezo do curso, leváronse a cabo 107 actuacións dentro deste Plan e hai solicitadas outras 200 actividades.
Neste senso, Isabel Rodríguez felicitou ás Forzas e Corpos de Seguridade polo importante labor de información e sensibilización que desempeñan entre a comunidade escolar con estas actividades e, ao mesmo tempo, agradeceu aos centros e familias o apoio a este plan “para previr, detectar e solucionar de forma rápida e eficaz os posibles problemas que poidan acontecer no ámbito educativo”.
Estará dedicada á figura de Leopoldo Calvo-Sotelo, xa que neste 2026 cúmprese o centenario do nacemento de quen fora presidente do Goberno. No acto interviñeron o presidente do RCNR, Pablo Fernández, o director territorial de Deportes da Xunta, Manuel Otero, un dos fillos do tamén alcalde honorario de Ribadeo Víctor Calvo-Sotelo, e o rexedor ribadense, Dani Vega. Todos exaltaron a práctica deportiva na ría, a labor desenvolvida polo Real Club Náutico e a vinculación de Leopoldo Calvo-Sotelo co estuario. Entre o público asistente estaban máis membros da familia Calvo-Sotelo, directivos e ex directivos do RCNR, edís de Ribadeo e representantes de Acisa.
O grupo, composto por cinco mulleres e sete homes cunha media de 26 anos, foi recibido pola subdelegada do Goberno, Olimpia López, que lles agradeceu o compromiso co servizo público e destacou o papel esencial da Policía Nacional na seguridade cidadá. Oito axentes estarán na Comisaría de Lugo, dous en Monforte e dous en Viveiro. Ao finalizar as prácticas, escollerán destino definitivo segundo a puntuación obtida no proceso selectivo.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
