Mónica Freire: “queremos seguir ampliando o proxecto para que as pequenas producións poidan sacarlle a máxima rendibilidade”
Lugo, 25 de xaneiro de 2023. Medio Rural da Deputación de Lugo reforza neste 2023 o seu apoio á plataforma de venda en liña Son de Lugo, que puxo en marcha en 2021 co obxectivo de ofrecer unha canle de comercialización directa a pequenas producións agroalimentarias de calidade diferenciada de toda a provincia.
A área dirixida por Mónica Freire financiará un programa de asesoramento e formación de novos produtores para seguir ampliando o abano de produtos que se venden na web, ofrecendo unha maior variedade de alimentos e marcas aos consumidores á vez que se optimizan os procesos e protocolos de traballo necesarios para o funcionamento da plataforma.
A responsábel provincial explicou que “nestes case dous anos o número de produtos ofertados e dispoñibles na plataforma multiplicouse, pasando de 12 a máis de 30 firmas asociadas e amosando a potencialidade de Son de Lugo como ferramenta para poñer en valor a calidade dos alimentos e rendibilizar o traballo dos produtores e produtoras. A partir desta base xa sólida, queremos seguir ampliando o proxecto, reforzando a formación e asesoramento a novos produtores con profesionais con experiencia na comercialización en liña de produtos agroalimentarios”
“Os produtores e produtoras que se incorporen a Son de Lugo contarán con apoio profesional para definir o produto máis axeitado para comercializar e tamén para establecer os protocolos de traballo e xestión de pedidos; en definitiva, para que cada marca nova poida sacarlle a máxima rendibilidade a esta ferramenta”, concretou a deputada.
Esta labor de asesoramento e acompañamento será desenvolvida pola Asociación de Gandeiros da Fonsagrada, Asgafón, que ven desenvolvendo unha ampla gama de accións de asesoramento e conexións de comercialización para as máis de 100 explotacions que ten asociadas, maioritariamente adicadas á produción de tenreira galega suprema. Medio Rural da Deputación achegará 16.000 euros para financiar o proxecto.
Produtos de quinta gama
Entre as novidades para esta nova etapa, Son de Lugo incorporará á oferta para os consumidores e consumidoras pratos elaborados cos produtos que xa están integrados na plataforma, unha oferta novidadosa que axuda a incrementar o valor engadido dos alimentos e os ingresos de produtores e produtoras.
Traxectoria en crecemento
Medio Rural da Deputación impulsou a creación de Son de Lugo en 2021, co obxectivo de proporcionar a pequenos produtores de toda a provincia unha canle de comercialización directa para ofrecer os seus produtos agroalimentarios, de calidade diferenciada e contrastada, directamente ao consumidor final.
A plataforma suma xa 32 produtores e produtoras de hortalizas, verduras, lácteos, peixe, carne de tenreira, carne de porco, embutidos, legumes, especias, viño, mel, pan, marmeladas, conservas, cosmética natural, empanadas ou cervexa, cun catálogo de máis de 100 produtos que se poden mercar na tenda en liña www. sondelugo.com
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
Reyco Burela FS convoca a todos os socios e socias á Asemblea Extraordinaria que se celebrará o martes 28 de abril no salón de conferencias de Burela (antiga biblioteca) nunha primeira convocatoria prevista para as 20.00 h. e segunda para as 20.30 h. O acceso será única e exclusivamente para socios e socias, que deberán asistir á xuntanza co carné de socio/a e o DNI. Orde do día: 1. Lectura e aprobación da acta anterior. 2. Situación económica xeral. 3. Procedementos xudiciais contra o club. 4. Accións adoptadas para a continuidade do club. 5. Rogos e preguntas
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
A parada principal foi Cee, onde a expedición foi recibida no Museo Fernando Blanco, afondando nos vínculos históricos entre ambos municipios. Durante a visita, o director do centro destacou a “dobre conexión” entre Ortigueira e Cee, lembrando a figura de Manuel Rebollar, músico ortegán que dirixiu a Banda de Música de Cee entre 1927 e 1940. O recordo ao artista foi un dos momentos máis emotivos da xornada, ilustrando os lazos culturais que unen ás dúas localidades desde hai case un século.
