Viveiro, 11 de xaneiro de 2023. O Concello de Viveiro súmase ás reivindicacións da Plataforma na Defensa da Sanidade Pública da Mariña, que ven de convocar unha manifestación para o vindeiro xoves, 19 de xaneiro, ás 20:00 horas en Burela.
A mobilización, que sairá dende o Hospital da Mariña e percorrerá as rúas principais da localidade ata chegar á Praza do Concello, responde ao lema “Contra o desmantelamento da sanidade pública”, poñendo o foco nos graves problemas que afectan aos veciños e veciñas da comarca dende hai tempo e que se agravan máis aínda tras a supresión da Área Sanitaria.
“Dende o Concello de Viveiro animamos á veciñanza a participar nesta mobilización para a defensa dos nosos intereses nun tema tan importante como é a saúde. Temos que saír a defender a nosa sanidade pública e denunciar a falta de médicos de atención primaria e de pediatras”, subliña a alcaldesa, María Loureiro.
O Concello de Viveiro sofre especialmente a falta de pediatras. Nos últimos días, os máis de 1.800 nenos e nenas de entre 0 e 15 anos dos municipios mariñanos de Viveiro, O Vicedo e Ourol volveron quedar sen especialistas na súa atención, trala xubilación dun dos médicos asignados ao centro de saúde da vila e á baixa doutro compañeiro.
Isto únese a falta de médicos de familia, que obriga ás persoas a acudir aos servizos de urxencias colapsándoos ou obrigándoos a facer uso de servizos privados para solucionar os seus problemas. Tamén o ámbito hospitalario sofre atrasos de ata dous ou tres anos para certas consultas ou probas diagnósticas.
Dende o grupo de goberno viveirense animan á veciñanza a unirse a esta manifestación do próximo xoves día 19 para reclamar “unha sanidade universal, gratuíta, equitativa, de proximidade e de calidade”.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
A programación inclúe propostas variadas como cociña, manualidades, cestería, risoterapia, baile e poda, pensadas para ofrecer alternativas de lecer e fomentar un envellecemento activo entre a veciñanza. Desde o Concello destacan que as actividades “están a ter unha resposta moi positiva por parte dos veciños e veciñas”, o que demostra o interese por este tupo de propostas. Neste sentido, poñen en valor a importancia de promover este tipo de iniciativas, xa que “contribúen a promover un envellecemento activo e melloran a calidade de vida das persoas, xa que fomentan a participación social e serven como punto de encontro”.
O tráfico estará regulado por semáforos e está previsto que este venres rematen as obras.
O xurado profesional outorgou o primeiro premio ao Restaurante Ca Vitoriano por “El susurro del llagar”, seguido do Blanco Hotel Spa e de Los Olivos. No xurado popular, o triunfo foi para Los Olivos, acompañados no podio polo Novak Café e A Mar de Fondo. O Concello de Navia destacou o impacto do evento no dinamismo da vila e o papel clave da hostalaría como motor económico e turístico.
Fixoo no marco do Campionato Galego de Coctelería celebrado no Hostal dos Reis Católicos.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
