Burela, 22 de febreiro, 2023. As guerreiras de Julio Delgado clasificáronse para a final da Copa Galicia esta tarde ás 19.00 no Pavillón Príncipe Felipe de Poio. Xogarán a final o día 17 de maio, día das Letras Galegas, nun lugar aínda por determinar, contra o Marín, que venceu 1-3 hoxe ao Viaxes Amarelle na outra semifinal da competición. En posiblemente o derbi galego favorito da Primeira Federación de Futsal Feminino, o Poio e o Burela ofreceron un encontro moi digno que non decepcionou axs aficionadxs. Un Pescados Rubén Burela FS moi serio foi superior en practicamente todo o encontro e aínda que ningún dos dous equipos estivo moi acertado, o Burela tivo moitas oportunidades de meter dous ou 3 goles máis, sobre todo ao final do encontro.
O encontro comeza con pouca presión, pases con algún achegamento á portería e algún disparo errado. No minuto 5 Antía pon o 0-1 no marcador cun gol tras un pase de Emilly e un rexeite na defensa. A continuación comeza a presionar máis o Poio creando momentos de perigo para o Burela FS. No minuto 8 Emilly tira un balón ao pau que ben puido ser un golazo e pouco despois ten outra oportunidade tras un pase de Peque que salva o equipo pontevedrés. No minuto 11 Laura Uña empata o encontro e posteriormente o Poio ten outras dúas ocaisóns que salva a porteira que esta tempada xoga en campo contrario, Caridad. No minuto 14 Emilly ten outra oportunidade clarísima que salva Sandra Buzón e posteriormente Irene Samper un disparo que vai fóra despois dunha boa xogada colectiva. Chega o descanso 1-1 no marcador.
Na segunda parte comeza con oportunidades o Pescados Rubén Burela FS, cunha boa no minuto 24 e no 26 posiblemente a mellor oportunidade do encontro, tras outra moi boa xogada colectiva, Peque queda fronte á portería sen porteira pero salva o balón Rocío Gómez case na liña de gol. Tras a primeira amarela do encontro, a Anna Escribano, xa no minuto 28, Irene Samper recibe un pase de Cilene e adianta o marcador para o equipo laranxa. Continúan as oportunidades do Pescados Rubén, entre outras, no minuto 30 un disparo de Emilly que se atopa con Sandra ou no 33 outra de Dany desde a banda que vai fóra. No minuto 36 o equipo de Luís López-Tulla recorre a a porteira-xogadora pero, aínda que con algunha ocasión como un disparo ao traveseiro de Anna, as xogadoras do equipo burelense defenderon o seu terreo con mestría mantendo o resultado ata o último segundo.
Moi orgullosas e motivadas volven a Burela as Supercampioas para prepararse para o encontro deste sábado ás 20.30 horas contra o STV Roldán na Tarde Laranxa de Vista Alegre, importante partido contra un dos mellores equipos de Primeira Federación, e coas vistas xa postas na final da Copa Galicia. O adestrador Julio Delgado móstrase moi orgulloso do seu equipo, de acadar unha final máis, “que cada vez é máis difícil” pero tamén é difícil completar unha tempada como o están facendo, estando sempre nos momentos clave, “seguimos estando aí gañando títulos e agora chegando a outra final da Copa Galicia, que é imporantante para o club e, sobre todo, a nivel galego é un orgullo loitar por o título”.
FICHA TÉCNICA Poio Pescamar FS Vs Pescados Rubén Burela FS
Poio Pescamar FS: Sanda Buzón (P), Martita, Luci, Rocío Gómez, Laura Uña – cinco inicial -, Dupuy, Martita, Anna, Elena Aragón, Agostina, Irene, Marta, Rocío Gómez, Luci, Elena (P)
Adestrador: Luis López-Tulla.
Pescados Rubén Burela FS: Caridad (P), Cilene, Irene Samper, Patricia, Emilly – cinco inicial -, Dany, Peque (C), Jenny, Antía Pérez, Irene Samper, Patricia, Jozi de Oliveira (P)
Adestrador: Julio Delgado.
Goles: Min.5 Antía Pérez 0-1; min.11 Laura Uña 1-1; min.29 Irene Samper 1-2.
Árbitros: Daniel Dacal Deza, Borja Pérez Muñiz, Andrea González Pontevedra.
TA: Min.26 Peque, min.28 Anna, min.30 Marta, min.31 Martita.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
