Para facilitar a implantación de novas empresas, SEA aprobou recentemente ofertar todas as parcelas dispoñibles tamén en réxime de Dereito de Superficie, por contías inferiores a 80 euros ao mes
Mondoñedo, 28 de febreiro de 2023. A xerente da sociedade estatal “Suelo Empresarial del Atlántico”, Beatriz Sestayo, desprazouse hoxe a Mondoñedo para expoñer a investidores e empresas interesadas as vantaxes que supón instalarse no polígono industrial, xestionado por SEA, e que, recentemente, xa sumou novas compañías de alimentación e maquinaria.
Sestayo lembrou que, para facilitar a implantación de novas empresas, “SEA” oferta a totalidade do chan dispoñible en réxime de Dereito de Superficie, con cantidades inferiores aos 80 euros mensuais. Esta modalidade foi a elixida pola última empresa que decidiu instalarse no polígono, vinculada ao sector alimentario.
A aposta de “SEA” por impulsar esta área industrial xa permitiu sumar a compañías de produción de formigón, un taller e a citada empresa de alimentación.
A área industrial ten unha localización idónea, destacou Beatriz Sestayo, para sectores vinculados á agricultura, ao sector forestal ou industrial, e dispón de todos os servizos necesarios, como redes eléctricas e saneamento, para que as distintas empresas poidan iniciar a súa actividade.
O polígono de Mondoñedo é un dos 13 que xestiona “SEA” en Galicia. Conta cunha superficie bruta de 70.000 metros cadrados, dos que 39.566 son netos de uso mixto (industrial ou terciario) e dispón de fácil acceso cara ao norte de Lugo e os portos das provincias da Coruña e Lugo.
Suelo Empresarial del Atlántico
“Suelo Empresarial del Atlántico”, dependente nun 83,44% do Ministerio de Transportes, xestiona en Galicia 13 parques empresariais, que suman máis de 4 millóns de metros cadrados.
Están situados nas provincias de Lugo -Monforte de Lemos, Mondoñedo, Chantada e Rábade—, da Coruña –Malpica, Vimianzo, Cee, A Laracha, A Pobra do Caramiñal, Muros e Rianxo— e de Pontevedra –Vilanova de Arousa e Catoira-.
“Suelo Empresarial del Atlántico”, S.L., S.M.E., é unha sociedade participada nun 83,44% polo Ministerio de Transportes, Movilidad e Axenda Urbana (https://www.mitma.gob.es/) a través de Sepes. O resto do accionariado está conformado pola Xunta de Galicia e ABANCA.
O programa inclúe inscricións, concertos, exhibicións, rutas e exposición de vehículos. Con motivo do evento, haberá cambios temporais de tráfico no casco urbano, con prohibicións de circulación e estacionamento en varias rúas e modificacións de sentido. O Concello pide á veciñanza que respecte a sinalización para garantir o correcto desenvolvemento das actividades.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
