Os populares instan ao goberno socialista a corrixir esta irregularidade e cumprir o establecido na Lei de transparencia, acceso á información pública e bo goberno
Ribeira de Piquín, 1 de marzo de 2023. O PP de Ribeira de Piquín condena “a total falta de transparencia” do goberno local socialista; así coma “a falta de vontade do alcalde para dar explicacións” durante o último pleno en resposta ás preguntas do Partido Popular sobre este asunto.
Os populares pediron explicacións durante a sesión plenaria e o alcalde remitiunos ao portal de transparencia “que é inexistente” porque practicamente non contén información e a pouca que hai a disposición pública non está actualizada. É o caso da única documentación que recolle o Portal da Transparencia do Concello no apartado institucional; xa que se corresponde coa convocatoria dun pleno de abril do 2018.
Deste xeito, explican dende o PP local que “os veciños e veciñas non teñen á súa disposición a través de medios electrónicos copias das actas dos plenos nos que se debaten asuntos de importancia para o municipio”. Tampouco se recolle información económica nin presupostaria.
En xeral, a administración local non está a poñer a disposición dos veciños e veciñas información clara, estrutura e entendible nin a favorecerlles o seu acceso. É por iso polo que os populares instan a corrixir esta situación dando cumprimento ao que establece a Lei de transparencia, acceso á información pública e bo goberno.
“Non sabemos se é cuestión de falta de traballo ou de vontade por ocultar información, o que parece evidente é que o alcalde non cumpre a lei”, conclúen.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
