Un Pescados Rubén Burela FS moi maduro anteponse ao Sala 5 en Martorell e acumula 15 encontros sen perder en Liga
Burela, 18 de febreiro, 2023. Ás 17.00 desta tarde no Pavillón Municipal Martorell xogouse o encontro Sala 5 Martorell – Pescados Rubén Burela FS, un dos partidos máis esperados polo equipo laranxa ao ser o último capaz de derrotarlos, na xornada 4. Viaxou o equipo burelense a Martorell cunha espiña que se quitou con facilidade, esta vez en pista rival.
Na primeira metade abre Pitero o marcador no minuto 4 marcando o 0-1 tras un rexeite de tiro de David Pazos. Tras unha oportidade clara de Pitero dentro da área que para Imad co brazo e outra boa ocasión do Martorell cun tiro dende dentro da área que para o o noso porteiro polaco, no minuto 13, metía David Pazos o 0-2 cun gol de falta desde o punto de dobre penalti. Durante poucos minutos o Burela vive uns pequenos momentos de dúbida ante un Martorell que se mostra intenso e agresivo xerando bastante perigo en situacións de transición e estratexia. Chega o descanso con 0-2 no marcador.
Comeza a segunda parte co mesmo quinteto que o inicial, M.Kaluza, Lucho, Nando, Rikelme e Alberto. Tras unha oportunidade de Antón Arnejo dende fóra da área e un paradón de Michal tras un saque de esquina, chega o gol do Martorell no minuto 25, pero un minuto despois chega o 1-3 por parte de Lucho, tras unha transición e un pase de Nando, o que levanta a moral ao equipo mariñán á vez que afunde a do catalán. No 29 expulsan a Marmol con dobre amarela e o equipo de Víctor González queda 2 minutos en inferioridade, cousa que aproveita ben o Burela que aos poucos segundos consegue o 1-4 cun gol de Pitero e rompen o partido, chegando o 1-5 no minuto 31 con outro gol de Lucho despois dunha transición con Pitero tras un roubo de balón no medio campo. O Martorell recorre ao porteiro-xogador que o equipo de David Rial defende ben, con bastantes oportundiades para o Martorell e, coma sempre, bo papel de Michal Kaluza, pero tamén 3 ou 4 situacións claras do Pescados Rubén para aumentar a vantaxe.
Despois da derrota do Parrulo ante o Peñíscola e a vitoria do Alzira ante o Full Enerxía Zaragoza, o Pescados Rubén Burela FS mantense en segunda posición con 41 puntos, a 2 do Alzira con 39 e marcando máis distancias co Parrulo que se mantén con 33 puntos. Tentando asegurar o posto cos máximos puntos posibles para os playoff, agora toca centrarse na semana que vén na que o Betis B visitará Vista Alegre.
Ficha Técnica Sala 5 Martorell – Pescados Rubén Burela FS
Sala 5 Martorell: Imad (P), Bermusell, Marmol, Ibai, David – cinco inicial -, Viedma, Pau (C), Castro, Eric, Fouad, Oussama, Pavel, Reyes (P)
Pescados Rubén Burela FS: M. Kaluza (P), Lucho, Nando, Rikelme, Alberto – cinco inicial- Nito, Pitero, Isma, Antón Arnejo, David Pazos, Bruno (P).
Goles: Min.4 Pitero 0-1; min.13 David Pazos 0-2; min.25 Eric 1-2; min.26 Lucho 1-3; min.29 Pitero 1-4; min.31 Lucho 1-5.
Equipo Arbitral: Jorge Sanclemente Elvira, Cristian Reig Miralles, Marc Álvarez del Toro, Silvia Serrano Sánchez.
Cada participante pode presentar unha única fotografía, en papel e formato dixital, seguindo as bases dispoñibles na web da Deputación. A celebración do aniversario inclúe actividades como a Xornada de Degustación da Tenreira de Ancares, unha xornada micolóxica e un obradoiro de rescate na montaña, ademais doutras propostas ambientais e divulgativas nos próximos meses.
Dez minutos antes das 21:30 horas do xoves, o 112 Galicia foi informado polo persoal de Adif dun tren detido no medio dun túnel en Mogor, Mañón, debido a unha chapa metálica no medio da vía. Así, aínda que as doce persoas que viaxaban a bordo estaban ilesas, precisaban medios de rescate para baixalas do convoi e desprazalas ata o apeadeiro máis próximo. Nestas tarefas colaboraron a Garda Civil, os Bombeiros do Eume, o GES de Ortigueira e os voluntarios de Protección Civil de Mañón. Finalmente, as persoas foron rescatadas e evacuadas a outro tren, que as levou ata o apeadeiro sen maiores complicacións. Desde alí, continuaron a súa viaxe en taxi.
Competirán durante tres días xunto a outras dezaseis escolas de todo o mundo, elaborando catro propostas de pizza: Polbo á galega, con polbo galego, queixo San Simón e allada picante; Bosque galego, con crema de castañas e mel picante; Terra meiga, con zorza picante; e Rapadoira, con setas, queixo azul e pera. As estudantes viaxan acompañadas pola súa profesora, Conchi Carreiras, coa que levan tempo preparando as receitas. Esta é a terceira participación do IES de Foz neste certame, no que xa acadaron un segundo posto en edicións anteriores. A actividade forma parte do programa Erasmus+ da FP, financiado pola Unión Europea, que facilita a participación do alumnado en competicións de habilidades profesionais por toda Europa.
A xornada comezará ás 12:00 h cun faladoiro titulado “Vizoso e nós”, no que participarán Pepe Penabade, Pepe Blanco, Caxigueiro, Aurelia Balseiro e Mª Cristina Rubal González, moderados por Antonio Reigosa. Ás 13:20 h abrirase a exposición “Xosé Vizoso. O neno que debuxou un cabalo”, que permanecerá dispoñible durante as festas de San Lucas. A partir das 13:45 h terá lugar o acto de inauguración e descuberta da placa da nova rúa Xosé Vizoso, na Praza da Fonte Vella, coa presenza de autoridades, familiares e amizades do artista. As persoas asistentes recibirán no auditorio unha lámina cunha obra de Vizoso como agasallo.
Ás 15:15 horas deste martes, un particular solicitou asistencia sanitaria tras a caída dun raio no lugar de Castro de Igrexa (Cazás, Xermade). Varias persoas sentiron os efectos da descarga eléctrica e unha delas quedou atolada. Tras dar aviso ao Servizo de Urxencias Sanitarias de Galicia-061, Garda Civil e Protección Civil, a persoa afectada foi evacuada consciente ao Hospital Universitario Lucus Augusti.
A exposición, instalada no Centro Comarcal Pazo de San Tomé, invita a observar con calma, descubrir historias e poñer en valor un patrimonio vivo que forma parte da nosa identidade. Unha maneira diferente de achegarnos ao mundo rural que tanto significa para As San Lucas.
Co sol ocultándose e a lúa asomando entre as torres de Donlebún, o músico e divulgador reivindicou o poder evocador e transformador do bravú fronte á morriña paralizante. Na sala de lectura da biblioteca, Souto explicou a evolución do rock bravú no imaxinario galego, evocando as músicas populares que acompañaron durante décadas os remolques dos pascualiños e os labores comunitarios, e lembrando a vitalidade de grupos como Skornabois, Diplomáticos de Monte Alto, Xenreira, Zënzar, Pinto de Herbón ou os Rastreiros. A boa lembranza da súa anterior visita levou ao artista a pechar a velada interpretando o “Himno de Ribadeo”, composto por Arturo Mogo, nun final cheo de afecto pola vila e pola súa identidade cultural.
