Patricia Otero recrimina ao PP que “mintan á xente” dicindo que o concello de Viveiro está en contra, cando mesmo incorporan o trazado da VAC Costa Norte no PXOM municipal
Santiago de Compostela, 21 de febreiro de 2023. A deputada do grupo socialista Patricia Otero, esixiu este martes un “compromiso real e efectivo” coas infraestruturas da Mariña tanto á Xunta coa VAC Costa Norte, como ao goberno central coa A-74, para que ambas saian adiante. De igual modo, pediu ao deputado popular que “deixen de mentir á xente” ao dicir que o concello de Viveiro está e contra da Vía de Alta Capacidade, cando xa actuou en favor da mesma.
A parlamentaria natural de Burela reclamou no pleno do Parlamento de Galicia a través dunha proposición non de lei “pasar das promesas aos feitos” ao gobernos das administracións autonómica e central coas infraestruturas da comarca lucense da Mariña.
Patricia Otero incidiu en que “levamos moito tempo reclamando estas infraestruturas”, pero que “o socabón” de hai unhas semanas na N-642 demostrou a “alta dependencia na comarca desta estrada e a necesidade de alternativas”. Do mesmo xeito, resaltou a “rapidez” da actuación do goberno central, pero igualmente pediu a execución da obra de emerxencia nesta estrada, sendo compatible con pedir un “impulso claro e decidido á A-74”.
Levou á cámara galega as demandas dun “territorio historicamente aillado”, especialmente coa decisión de que a A-8 pasase por Vilalba e non pola costa. Na súa proposición reclamou que se leve a cabo a construción da Vía de Alta Capacidade Costa Norte que conectaría San Cibrao con Ferrol e que depende da administración autonómica.
A representante esixiu ao PP que “deixe de mentir á xente” ao afirmar dende a Xunta que está paralizada pola oposición do concello de Viveiro, o que asegura que non é certo, como así demostra o PXOM municipal onde se ten en conta esta infraestrutura, amosando a “vontade total” dunha “gran alcaldesa que o vai a seguir sendo, por moito que lle pese ao PP”.
Urxiu ao executivo autonómico a buscar unha solución de consenso cos concellos e a veciñanza para esta VAC Costa Norte, como era a proposta do goberno de Touriño do 2009, pero non é así o trazado que aprobou a administración Feijóo de forma unilateral.
Recordou tamén que o propio Feijóo como presidente da Xunta, anunciou co candidato do Partido Popular á alcaldía de Viveiro en 2019, que se saía elixido levaría a cabo a reparación da estrada de Viveiro a Roupar, o que para Otero é unha mostra do que son “as promesas do PP” e o seu “uso das institucións públicas a favor dos seus candidatos”.
De igual modo que reclamou actuacións ao goberno galego, tamén fíxoo co goberno central no relativo á A-74. A propia parlamentaria burelense recoñeceu que “nin o PP, nin o PSOE podemos sacar peito” respecto da Autovía da Mariña, sendo que hai un “abandono” durante décadas que deixou de lado este territorio. Unha autocrítica que a deputada botou en falta por parte do parlamentario do grupo popular.
Recoñeceu os avances por parte do executivo socialista coa demarcación do trazado para esta autovía que debe unir as vilas de San Cibrao e Barreiros, pero denuncia igualmente que “non hai un só centímetro de estrada construído”.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continou con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
