O alcalde encabezou durante estes anos esta área de traballo que ten como principal obxectivo a posta en común dos modelos de xestión en materia de inmigración dos diferentes concellos
Cervo, 1 de marzo de 2023. O rexedor Alfonso Villares, presidiu este mércores en Madrid a última reunión da lexislatura da Comisión de Integración e Cohesión da FEMP, que conforman 25 alcaldes e alcaldesas de toda a España e de todos os signos políticos.
Villares quixo agradecer o traballo realizado por todos os membros durante todos estes anos “nesta área de traballo que tiven a honra de presidir nunha etapa evidentemente marcada pola pandemia que nos forzou a realizar a maioría das xuntanzas a través de videoconferencia”.
Con todo, neste tempo abordamos cuestións de gran relevancia neste eido, das que informamos na reunión mantida esta mañá e que formaron parte da orde do día, en relación ao foro para a Integración social dos inmigrantes e do Consello para a Eliminación da Discriminación Racial ou Étnica.
Tal e como apuntou o rexedor cervense, un tema moi importante que abordamos neste encontro “foi a aprobación das propostas de resolución para o XIII pleno da FEMP que se convocará despois das próximas eleccións municipais”. Son dez puntos encamiñados -explicou- a pedir que a FEMP cobre máis protagonismo e participe dun xeito máis activo na coordinación da participación das entidades locais nos organismos, foros ou outros espazos de interlocución relacionados coa integración e cohesión social, que promova a implementación de políticas municipais de acollida e integración que garantan plenamente os dereitos das persoas migrantes e que favoreza a súa integración na comunidade, ao mesmo tempo que tamén sexa a FEMP quen traballe na accesibilidade inclusividade e calidade dos servizos de integración dixital para que as persoas migrantes teñan os coñecementos técnicos necesarios para beneficiarse dos posibles servizos “on line”, tamén que esta entidade teña moito máis contacto coas entidades estatais e que traballe de xeito máis coordinado coa secretaria de estado de migracións e coa dirección xeral para a igualdade de trato e diversidade étnica e racial. Todas estas propostas foron aprobadas por unanimidade, “deixando os deberes feitos aos membros que conformen a comisión tras as eleccións de maio”.
O rexedor cervense reiterou o seu agradecemento a todo o equipo que conformou esta área de traballo nestes anos “orientada a xerar espazos de reflexión e encontros que impulsen e favorezan o intercambio de experiencias que faciliten a inclusión social, preveñan situacións de risco e promovan a convivencia cidadá na contorna local”.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas deste domingo. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
