O Instituto de Estudos do Territorio esgotará o orzamento reservado para a convocatoria de 2023 e prevé notificar todas as resolucións antes de rematar marzo
Mondoñedo, 17 de marzo de 2023. A Xunta concederá este ano 1 millón de euros en axudas a preto de medio cento de concellos para apoialos no financiamento de máis de 60 obras e actuacións que contribúan a mellorar a imaxe exterior de edificios públicos, equipamentos e outros elementos e instalacións de titularidade municipal, reducindo deste xeito o impacto paisaxístico que poden causar sobre a contorna.
Así o avanzou esta mañá a conselleira de Medio Ambiente, Territorio e Vivenda, Ángeles Vázquez, que visitou en Mondoñedo un edificio municipal rehabilitado o ano pasado polo Goberno local precisamente grazas a estas axudas e co fin de destinalo a usos culturais vencellados co Camiño de Santiago.
Acompañada do alcalde do municipio, Manuel Otero, a responsable autonómica explicou que o pasado mes de xaneiro o Instituto de Estudos do Territorio (IET) convocou por terceiro ano consecutivo dúas ordes de axudas para a corrección de impactos paisaxísticos: unha dirixida a concellos de menos de 20.000 habitantes e a outra, a propietarios particulares.
No caso concreto da liña reservada ás entidades locais, a responsable autonómica indicou que, unha vez realizadas por parte do IET todas as propostas de resolución, a previsión é que o orzamento reservado para este ano —1 millón de euros— volva esgotarse e permita axudar a preto de 50 municipios na execución de máis de 60 intervencións exteriores sobre edificios, equipamentos públicos e elementos etnográficos municipais como fontes, lavadoiros, palcos de música e hórreos.
Neste sentido, explicou que a intención do organismo autonómico é notificar as concesións a todos os concellos beneficiarios este mesmo mes de marzo co fin de que poidan iniciar as actuacións subvencionables o antes posible.
Así e tras subliñar a boa acollida que tiveron estas axudas desde a súa primeira convocatoria, no ano 2021, Ángeles Vázquez enmarcou a iniciativa na aposta decidida da Xunta polo fermosismo e nas súas políticas de apoio ás entidades locais, ás que agradeceu o interese e implicación demostrados para avanzar na mellora das súas instalacións e na protección da paisaxe.
A tal fin, lembrou que a orde de axudas incluía dúas liñas de actuación: unha reservada para obras coas que emendar posibles impactos paisaxísticos en edificios e dependencias destinadas a servizos municipais; e outra, para melloras en construcións, equipamentos públicos e bens que integren o patrimonio etnográfico local, facendo especial fincapé en elementos como fontes, hórreos, palcos de música e lavadoiros.
O importe destes incentivos é de ata 20.000 euros por liña —o 70% do custo total estimado das obras— de xeito que os concellos beneficiarios este ano poderán recibir ata 40.000 euros, como máximo, para intervir sobre dependencias e equipamentos públicos municipais que, polo seu aspecto ou o deterioro derivado do paso do tempo, produzan unha distorsión na paisaxe onde se localizan.
No caso de Mondoñedo, a intervención realizada centrouse nunha vivenda tradicional en estado ruinoso que foi habilitada para usos culturais. As actuacións executadas no edificio —para as que o Concello de Mondoñedo recibiu unha axuda de 20.000 euros do IET ao abeiro da convocatoria de axudas de 2022— incluíron o derrubo da estrutura da cuberta e a súa reposición con madeira, pintado exterior, reparación da porta de acceso a vivenda e da única fiestra existente, e reconstrución da fachada posterior con cachotería de pezas de lousa e cuarcita, así como un beirado de pedra.
Ocorreu pasadas as 15:30 horas. Un traballador tivo que ser evacuado ao hospital logo de caerlle o tronco dunha árbore enriba mentres realizaba tarefas no monte en Cervo. Aínda que estaba liberado e consciente, precisaba asistencia sanitaria. Os profesionais de Urxencias Sanitarias de Galicia-061 trasladárono finalmente ao Hospital de Burela. Neste operativo tamén participaron a Garda Civil e a Policía Local de Cervo.
Subliñou o traballo colectivo, o papel do voluntariado e a participación de arredor de mil corredores. Tamén puxo en valor o impacto económico e social da proba e o apoio institucional que permite o seu crecemento, incluída a difusión en streaming que levou a CAMOVI e a Viveiro a todo o mundo.
O presidente, José Manuel Gómez Puente, destacou o bo tempo e o reencontro do grupo nun percorrido de 22 km entre Pedrafita e Triacastela. A próxima etapa será o 1 de maio, entre Triacastela e Sarria, e xa está aberta a inscrición no teléfono 623 22 68 25.
Ás doce en punto, tres foguetes —un por cada palabra do nome oficial— foron lanzados desde O Castrodouro, capital histórica do termo municipal e orixe da localidade, pois alí, hai 806 anos, Afonso IX concedeu o título de vila e todo un distrito que administrar; episodio histórico do que deriva o nome do concello. Os veciños reunidos mostraron a súa satisfacción pola recuperación da denominación histórica, afirmando moitos deles que nunca deixaran de empregar o nome completo. Do mesmo xeito, os maiores agradeceron aos impulsores da iniciativa a restitución do topónimo que a historia legou ao municipio alfocés.
Viveiro, 20 de abril, 2026. A proba volveu converter Viveiro nun punto destacado do deporte e da convivencia, ademais de supoñer un impulso económico para o municipio. María Loureiro destacou que a Camovi “é un exemplo de colaboración e esforzo colectivo, que sitúa Viveiro no mapa e dinamiza a economía local”. O Partido Socialista lembra o seu apoio histórico á carreira e reafirma o seu compromiso para seguir contribuíndo ao seu crecemento. O PSOE agradece tamén á veciñanza a súa acollida e implicación, fundamentais para que o evento continúe medrando ano tras ano.
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
