Traballadora social e veciña do barrio do Porto di que “os servizos sociais son importantísimos para mellorar o benestar dos veciños”
Burela, 23 de marzo de 2023. A traballadora social Maite Lanza únese ao proxecto do Partido Popular “para mellorar Burela”.
O candidato á alcaldía, Manuel Rouco, agradécelle a súa implicación para reforzar o equipo que se presenta como “a única alternativa para o cambio”. Rouco destaca que “é unha excelente profesional do eido social e, o máis importante, unha muller comprometida co noso pobo e coa nosa xente que, como veciña de Burela, aposta por un cambio no goberno local e por iso se une a este serio, realista e ilusionante proxecto do Partido Popular”.
Maite Lanza explica, sobre a área á que está vinculada profesional e persoalmente, que “os servizos sociais son importantísimos para o benestar dos veciños de Burela e precisamos que sexan áxiles, eficaces e resolutivos, sobre todo, na época que estamos vivindo e na que necesitan un gran impulso. Os recursos sociosanitarios e asociativos tamén precisan dun reforzo tanto a nivel estrutural como económico porque non só con publicidade se pode medrar e saír adiante”.
Nese sentido, “o Partido Popular aposta por recursos residenciais para persoas vulnerables e en situación de emerxencia social, por un pobo inclusivo e accesible para todos, por unha reubicación dos servizos sociais municipais para garantir a intimidade dos usuarios e por un reforzo no Servizo de Axuda no Fogar complementado con servizos de fisioterapia e podoloxía a domicilio, con máis persoal e cunha resolución inmediata das solicitudes dos usuarios. Nestes momentos, temos 58 persoas con distinto grao de dependencia recoñecida á espera, dende fai máis dun ano, de recibir o Servizo de Axuda no Fogar”.
Lanza, que coñece os servizos sociais por colaboración e coordinación profesional, gaba o labor dos seus profesionais “que son compañeiros meus dende fai moitos anos”.
UNHA TRABALLADORA SOCIAL MOI ACTIVA NA VIDA DE BURELA
Maite Lanza é veciña do barrio do Porto e defínese como “traballadora social de profesión e vocación”. Conta con 27 anos de experiencia no Centro de Drogodependencias de Burela e tamén desenvolve actividades de prevención. Colabora en varias asociacións da vila e confesa que lle gusta “participar nas actividades que se celebran en Burela ao longo de todo o ano”.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
