Burela, 11 de marzo, 2023. Esta tarde no Pavillón Vista Alegre o Pescados Rubén Burela FS enfrontouse ao CD Leganés FS levándose os 3 puntos cun resultado 6-2. O Burela FS foi superior durante todo o encontro, especialmente na primeira parte, con moi boa defensa ao final do partido ante a presión do equipo rival co porteiro-xogador e con bo acerto ante a porteria.
Na primeira parte o Pescados Rubén é moi superior ao Leganés durante os 20 minutos, chegando ao descanso cun 2-0 que puido ser aínda máis favorable para o equipo laranxa. Con moitas ocasións para o equipo mariñán e apenas dúas para o Leganés no minuto 8 comeza marcando o primeiro gol Rikelme cun remate despois dun bo pase e un bo ataque ofensivo do seu equipo. Dous minutos despois Eloy, de forma similar a Rikelme, remata atopando o 2-0 que se manterá ata o descanso.
No minuto 8 de a segunda parte David Pazos mete o 3-0 cun disparo dende fóra da área despois dunha recuperación de Isma. Despois dunha tarxeta vermella a Alex Fuentes no minuto 34, chega o 4-0 no 35 con outro gol de Eloy despois dun pase de Isma ao segundo pau nun 3 contra 4. No minuto 36 Manu Diz marca o 4-1 e en o 37 ata o final o Leganés ataca con porteiro-xogador, atopando así o 4-2 cun gol de Pichi no 38. Pero o equipo de Rial mantense firme ante a presión do rival defendendo a súa portería. No último minuto Pitero marca de novo a distancia cun golazo dende a banda e segundos despois Pazos aproveita con boa puntería a portería baleira do Leganés e consegue o 6-2 que precede por décimas de segundo ao pitido final do encontro.
David Rial móstrase moi orgulloso do seu equipo, apreciando “esas ganas e esa ambición” que teñen que mostrar ata o final da tempada. Di, “Sabíamos da importancia que tiña o partido de hoxe, contra un equipo que a pesar de que estea abaixo é un moi bo equipo e creo que isto si que nos dá tranquilidade e sobre todo tennos que dar motivación para seguir mantendo este nivel ata o final”. Despois do empate do Alzira en El Ejido e a derrota do África Ceutí en Barcelona, o equipo burelés segue marcando distancia cos demais aspirantes aos postos de playoff.
Ficha Técnica Pescados Rubén Burela FS – CD Leganés FS
Pescados Rubén Burela FS: M. Kaluza (P), Lucho, Pitero, David Pazos, Eloy – cinco inicial -, Nito, Isma, Nando, Rikelme, Alberto, Antón Arnejo, Bruno (P).
CD Leganés FS: Rafa Luque (P), Manu García, Dela (C), Pichi, Chicho – cinco inicial – Borja Blanco, Alex Velasco, Alex Fuentes, Hicham, Manu Diz, Raúl, Pablo Ibarra, Iker (P)
Goles: Min.8 Rikelme 1-0; min.10 Eloy 2-0; min.28 David Pazos 3-0; min.35 Eloy 4-0; min.36 Manu Diz 4-1; min.39 Pichi 4-2; min.40 Pitero 5-2; min.40 David Pazos 6-2.
Equipo Arbitral: Alfredo Castro Nantes, Eder Gómez de Salazar, Miguel Bardera Barbolla, Berta García Vázquez.
A piscina abrirá de luns a venres de 8:30 a 13:00 e de 15:30 a 22:00, e os sábados de 8:30 a 14:30. O ximnasio manterá horario continuo de luns a venres, de 8:30 a 22:00, e os sábados de 8:30 a 14:30. A tempada arrinca tras diversas melloras nas instalacións, entre elas a renovación da cuberta do polideportivo, cun investimento de 195.000 euros, así como a substitución de portas de emerxencia, a intervención en pontóns das piscinas e o cambio das huellas de volteo. O Concello continúa así reforzando o mantemento e a seguridade dun complexo utilizado diariamente por numerosos veciños e deportistas.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partiron de regreso a Loktudi.
A conselleira do Medio Rural, María José Gómez, acompañada pola directora xeral de Relacións Institucionais e Parlamentarias, Sandra Vázquez, e a directora xeral de Urbanismo, Encarnación Rivas, asistiu á ofrenda da Virxe dos Remedios en Mondoñedo.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
A programación arrancará de 13:00 a 15:00 horas cos pinchos de benvida e unha sesión vermú a cargo do DJ Peabody. A continuación, de 15:00 a 17:00 horas, terá lugar a comida na Finca San Antonio, cun menú composto por salpicón de rape e langostinos, codillo con patacas, pan, postre, café, chupito e bebida incluída. Os tickets teñen un prezo de 40 euros e poden adquirirse en O Rincón, Confitería Alianza, Comercial Anjor e Perruquería Oriola; os menores de 5 anos asistirán de balde e os de 6 a 10 anos contan cun desconto do 50 %. Xa a partires das 18.30 horas haberá sesión de música con Toxo Guayaba.
