Foz, 15 de marzo de 2023. A Delegación de Turismo do Concello de Foz puxo en marcha un proxecto de cartografía e dixitalización integral e contido multimedia “moi ambicioso, que contempla diversos traballos dentro da aposta incondicional do Concello de Foz polo uso das novas tecnoloxías e posta en valor do territorio”.
O concelleiro de Turismo, Chema Linares, explica que “por outra parte estase a elaborar un repositorio de recursos turísticos coa identificación e xeoreferenciación de diversos elementos de interese turístico ou paneis informativos coa incorporación a portal web de consulta (Mapbox) e deseño de plantillas e macros para a creación de mapas pola Oficina de Turismo. Desta forma podemos ter identificados todos os recursos do concello, ir incorporando novos e traballar sobre mapas identificando aqueles segundo as necesidades do momento; por exemplo poderase determinar que paneis poidan necesitar unha reparación para unha actuación conxunta nun momento determinado”.
Chema Linares engade: “estase a elaborar unha planimetría urbana con actualización toponímica do rueiro coa identificación de servizos e demais elementos de interese turístico necesarios para unha boa información e que poidan estar a disposición tanto das oficinas de turismo como do sector da hostalería en arquivo dixital ou impreso. Un terceiro traballo é a elaboración dunha guía turística representativa do conxunto territorial con información relativa a xeografía, patrimonio, cultura, actividades comerciais e deportivas. Trátase dunha guía turística e comercial en formato electrónico iBook cun inventario de actividades comerciais dispoñible para poder imprimir tamén en formato papel. Con esta iniciativa todo o sector servizos, tanto hostalería como restauración e comercio, poderá dispoñer dunha guía para descargar en dispositivos electrónicos como tablet, ordenadores e móbiles e poñela a disposición dos clientes; desta forma poderemos ampliar, mellorar ou modificar a información e contido da mesma en calquera momento”.
O edil de Turismo especifica tamén que “un cuarto traballo é dotar ao Concello dun contido multimedia do que ata agora non dispoñía, para incorporar ás redes sociais ou á propia web de turismo do Concello, que se está a preparar, como é unha serie de fotografías aéreas 360 graos de espazos icónicos, paseos virtuais por escenarios de interese turístico como igrexas, castros, praias, arquivos sonoros de determinados espazos naturais, etcétera. Por último estase a traballar no deseño, cartografía e dixitalización de rutas de BTT e ornitolóxicas, de gran importancia no concello, para aproveitar todo o potencial que pode ofrecer Foz ao contar con numerosas rutas para a practica da bici de montaña, tan en auxe nestes momentos, como as zonas Zepa das que dispoñemos”.
Linares destaca que “con estes traballos o Concello de Foz situase á vangarda na dixitalización turística na comarca e no uso das novas tecnoloxías para poder identificar de forma ordenada os nosos recursos e actuar con rapidez. Permite ter actualizada sempre a información, poder ampliala o mellorala e ter a disposición dos axentes turísticos e de servizos toda a información en formato dixital para o seu traslado a formatos electrónicos ou a súa impresión en papel, se fora necesario. Con toda esta información poderanse elaborar paneis informativos, folletos, revistas, guías, mapas de isócronas e códigos QR”.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
