Ribadeo, 14 de marzo de 2023. O Concello licita un contrato de alleamento de inmobles sacando a poxa o nº31 da rúa Antonio Otero e o nº1 da rúa Deputación. Ambos bens, da súa propiedade, foron taxados en total en 101.000 euros, que irán destinados para financiar parcialmente a adquisición dos terreos para a futura construción do Centro de Saúde de Ribadeo.
O rexedor contou que “vimos de publicar a licitación dun contrato de alleamento de inmobles un tanto singular, tanto pola orixe como polo destino. O Concello de Ribadeo foise facendo coa propiedade de dous inmobles no ámbito urbano nestes últimos anos por mor das políticas de rehabilitación que viñemos aplicando sistematicamente.
Afortunadamente na maioría dos casos os seus propietarios foron facendo caso das instrucións que o Concello foi dando e hoxe en día podemos ver un casco vello san e en proceso de rehabilitación e reforma”.
Suárez Barcia dixo: “pero tamén houbo problemas en todo este proceso, así un inmoble na Rúa Antonio Otero, 31, que chegou a derrubarse, sen que os propietarios fixeran nada para evitalo, acabou sendo do Concello a través da aplicación de cargos de execución subsidiaria, multas coercitivas, etc. E nesta mesma situación se atopou outro inmoble na Rúa Deputación, 1, onde debido ao seu mal estado de conservación, á falta de atención dos seus propietarios, levou ao Concello no seu momento á aplicación das medidas que establecen as leis, chegando ao embargo da propiedade”.
O alcalde explicou que “estes dous inmobles foron taxados polos técnicos municipais e dan como resultado a cifra de 101.000 euros. Son 12.640 euros para a pequena vivenda da Rúa Antonio Otero, que ten uns 150m2 de superficie de construción en 77m2 de superficie de parcela. E logo temos a cifra de 88.675 euros para a edificación da Rúa Deputación, que ten uns 216m2 de superficie construída dentro dunha parcela de 354m2”.
Fernando Suárez indicou que “todas as persoas físicas ou xurídicas que estean interesadas na adquisición dalgún destes inmobles teñen ata o 13 de abril para presentar as súas ofertas e toda a información está no perfil do contratante da páxina web do Concello ou na Plataforma de Contratos do Estado. O procedemento será o de poxa á alza”.
O rexedor ribadense engadiu: “e, para o caso de que se vendan, desde o goberno municipal temos previsto aplicar estes recursos para financiar parcialmente a adquisición dos terreos para a futura construción do Centro de Saúde de Ribadeo. Así, deste xeito, pecharemos un ciclo de poñer en valor inmobles ou solares céntricos, e os recursos que poidan dar ao Concello se apliquen a fins de interese público. Isto é pechar o ciclo que cumpra cos principios de eficiencia, rendibilidade e transparencia”.
A mostra inaugúrase o luns 19 de outubro ás 12.00 horas na Casa da Cultura, onde permanecerá aberta ao público ata o 19 de novembro. A iniciativa, promovida polo Concello, ofrece unha selección de obras nas que o artista explora a cor, a luz e a expresión contemporánea, consolidando a súa traxectoria dentro deste movemento artístico.
Da man da FCAM Ribagorda está a coñecer establecementos comerciais que cumpriron corenta anos de vida e outros que se achegan aos cen. A Federación de Comercio A Mariña aproveita esta estadía do coñecido xornalista para amosarlle as potencialidades turísticas da comarca. José Ribagorda visitou a Basílica de San Martiño en Foz e o Centro de Interpretación da Faba en Lourenzá. A súa viaxe pola Mariña seguirá hoxe e mañá.
O 112 Galicia tivo constancia dos feitos contra as 19:30 horas deste venres, a través dun particular que se atopaba no punto: un coche que participaba nunha proba de rallye en San Fiz de Paz (Outeiro de Rei) perdeu unha roda, e esta acabou golpeando a un espectador, quen precisaba asistencia sanitaria. De inmediato, desde o 112 Galicia informouse a Urxencias Sanitarias de Galicia-061 e os axentes da Garda Civil. Foi a propia organización do evento a que se fixo cargo do traslado.
O paseo polas rúas da vila xunto as Sanluqueiras e Sanluqueiros e o pregón de Luis Rego marcaron o arranque oficial das feiras e festas mindonienses, que chegan este ano a edición 870. A Vicepresidencia da Deputación de Lugo colabora de forma estable e continuada coa Asociación As San Lucas de Mondoñedo, cunha achega da área de Cultura que este ano -coincidindo coa 870 edición- incrementou dos 20.000 aos 30.000 euros.
Trátase dunha iniciativa que favorece a colaboración entre o tecido asociativo e o voluntariado para mellorar e conservar as contornas naturais do municipio. Os traballos centráronse na limpeza deste espazo costeiro, contribuíndo ao seu coidado e á conservación do medio natural. A alcaldesa de Cervo, Dolores García Caramés, achegouse ata a praia para acompañar as persoas participantes nesta iniciativa agredecendo a implicación de Mistura de Lieiro e das persoas voluntarias que participaron nesta xornada, contribuíndo, coa súa colaboración, a manter limpos e coidados os espazos naturais de Cervo.
As estudantes recibiron o galardón “Pizza Chef Emergente”, un recoñecemento que destaca o talento das novas promesas da gastronomía e que supón un importante logro para o centro educativo e para a formación profesional da comarca.
O delegado subliñou o importante papel que realiza o tecido social para conseguir melloras en beneficio da veciñanza e dinamizar social e culturalmente a localidade. Neste sentido, lembrou que a Xunta impulsa o movemento asociativo a través de apoios para o acondicionamento dos seus locais ou para o desenvolvemento de actividades.
