Ribadeo, 10 de marzo de 2023. Á Área de Turismo pon en marcha unha nova iniciativa baseada no turismo xeolóxico de inverno. Trátase de Mareas Vivas nas Catedrais. Haberá tres días ao mes para realizar visitas guiadas ao areal da man dun xeólogo experto. As primeiras datas serán o 20, 21 e 22 de marzo e 19, 20 e 21 de abril, segundo deu a coñecer hoxe o concelleiro de Desenvolvemento Local e Turismo, Pablo Vizoso.
O edil ribadense explicou que “desde a Área de Turismo do Concello de Ribadeo, presentamos una nova iniciativa Mareas Vivas nas Catedrais, baseada no turismo xeolóxico de inverno e coa que buscamos mostrar a importancia do monumento natural praia das Catedrais nos mellores momentos do ano, cadrando coas mareas vivas”.
Pablo Vizoso subliñou que “este monumento natural praia das Catedrais representa unha das marabillas xeolóxicas máis salientables que podemos disfrutar en Galicia e o conxunto de arcos rochosos máis importantes da península ibérica. E a través das XeoRutas nas que se basea o proxecto, buscamos darlle a este espazo a relevancia que se merece”.
O concelleiro de Turismo sinalou que “con esta actividade podemos adentrarnos na xeoloxía e durante a XeoRuta poderedes descubrir, paso a paso, o proceso que deu lugar á creación dos arcos rochosos deste areal e porqué se concentra un número tan importante deles”.
Vizoso Galdo seguiu a relatar que “cada mes terás tres opcións (días), nos que aproveitaremos as mareas vivas para realizar visitas guiadas da man dun xeólogo esperto. Sen lugar a dúbida, unha experiencia incrible e única. Estas XeoRutas son totalmente gratuítas, só se recomenda traer roupa axeitada. O lugar de encontro para o inicio da actividade será o punto de información turística de As Catedrais”.
O edil nacionalista contou que “esta actividade desenvolverase os días 20, 21 e 22 de marzo e tamén os días 19, 20 e 21 de abril. Ademais, para completar a experiencia contamos cunha rede de aloxamentos que proporcionan un 10% de desconto na estancia en caso de presentar a reserva directa da actividade. A relación dos aloxamentos adheridos así como os horarios destas experiencias poden atoparse en mareascatedrais.ribadeo.gal ou en turismo.ribadeo.gal na sección de momentos. Aquelas persoas que queiran obter máis información poden dirixirse tamén ao teléfono da oficina de turismo de Ribadeo que é o 982 128 689”.
Destacou o seu valor como punto de encontro e motor económico e cultural da comarca. Arias puxo en valor o labor do Concello por manter eventos de referencia como a Moexmu, esta feira e a próxima Festa da Filloa, que contribúen a promover o sector agrogandeiro e a tradición galega.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
Fixoo no marco do Campionato Galego de Coctelería celebrado no Hostal dos Reis Católicos.
