Ribadeo, 24 de marzo de 2023. O Concello pon en marcha o programa Píllara no que van participar 1.300 alumnas e alumnos dos centros de ensino de Ribadeo entre o 27 de marzo e o 9 de abril. O edil de Turismo, Pablo Vizoso, subliñou que se trata dun programa novidoso e interesante que xirará arredor do cambio climático e da creación artística. Vaise desenvolver en diferentes escenarios como o Forte de San Damián, o auditorio municipal, a Casa do Viejo Pancho, os propios centros de ensino, a Escola Municipal de Música ou nas rúas peonís. Píllara conta co financiamento do Concello de Ribadeo e da Área de Mocidade da Deputación de Lugo.
O concelleiro ribadense na súa intervención no salón de plenos dixo que “hoxe xuntámonos aquí para presentar Píllara, un programa tan novidoso como interesante e en cuxo financiamento participamos o Concello de Ribadeo e a Área de Mocidade da Deputación de Lugo. Agradecemos a presenza de representantes dos centros de ensino de Ribadeo: Ceip Gregorio Sanz, Ceip Sagrado Corazón, IES de Ribadeo Dionisio Gallamlo, CIFP Porta da Auga, que se sumaron de maneira total a esta iniciativa e sen cuxa axuda Píllara perdería practicamente o seu sentido. Aproveito para recoñecer tamén o labor de produción de todo este programa, do noso veciño de Foz Mano Panforreteiro, a través de Mira quen vén, que actúa de intermediario entre todos os axentes da proposta”.
Vizoso Galdo lembrou que “a interacción do Concello de Ribadeo cos centros de ensino non é de agora. O programa O Concello cos Coles desenvolve desde hai anos durante o curso escolar diferentes actividades que emanan das diferentes áreas: Cultura, Igualdade, Mocidade, Deporte, Turismo, Servizos Sociais ou Medio Ambiente. Rapazas e rapaces poden deste xeito ver como se fan os queixos, recibir a visita do escritor ou escritora favorita, ver unha función de teatro, coñecer a última película galega ou saír para coñecer o noso patrimonio arquitectónico e natural… Todas son actividades que buscan ser un complemento ao bo facer do profesorado na súa materia. Píllara leva aparellado tamén o compromiso e acción do Concello co medio ambiente. Neste caso coa continuación da recuperación da vexetación de ribeira”.
O edil de Turismo sinalou que “Píllara, que colle o nome deste paxariño que podemos ver nas praias, vincula o cambio climático e a creación artística. O programa desenvólvese en dúas semanas, do 27 de marzo ao 9 de abril. Na primeira faise o traballo co alumnado dos centros de ensino. Arredor de 1300 rapaces e rapazas, entre os 3 e os 17 anos, participarán en 43 sesións interdisciplinares arredor do cambio climático desde o punto de vista medio ambiental, artístico e cultural. E xa na segunda semana terán lugar as actividades abertas a todo o público. Son varios os escenarios elixidos para levar adiante Píllara: Forte de San Damián, auditorio municipal, Casa do Viejo Pancho, os propios centros de ensino, a Escola de Música e tamén hai unha acción polas rúas peonís da vila”.
Pablo Vizoso explicou que “en Píllara hai dous axentes. Por unha banda, o alumnado e público xeral. E pola outra, os artistas e os investigadores e investigadoras científicas. Estes últimos son: Teresa Jareño Querejeta, autora da instalación sonora que permanecerá de principio a fin do proxecto nas salas do forte San Damián; a actriz María Roja, ao mando da acción performativa que terá lugar nas rúas de Ribadeo; o grupo Oreka TX e Banda, que ofrecerán concertos e a súa experiencia con instrumentos de xeo, nesta parte musical participa a formación MBIRA DÚO, da que forma parte a nosa veciña ribadense Irene Rodríguez Mon; as investigadoras e investigadores vinculados ao CSIC Luísa Martínez Lorenzo, Diana Zúñiga e Nicolás Villacieros falarannos dos últimos achados na cuestión do cambio climático. E finalmente, Andoni Canela presentaranos a través da súas expedicións e da súa mirada en fotografía e vídeo o reto que o cambio climático supón para toda a humanidade e as conexións e a proximidade real entre o Cantábrico e o Ártico”.
O edil nacionalista engadiu que “como pode deducirse do dito, Píllara é un proxecto ambicioso e necesario, no que a administración pública, neste caso un Concello e unha Deputación, teñen todas as razóns para apoiar”.
A presentación de Píllara tivo lugar no salón de plenos do Concello de Ribadeo.
Este lume comezou o pasado mércores ás 13,35 horas e afectou finalmente unha superficie de 31,5 hectáreas de monte arborado. Para a súa extinción mobilizáronse, en total, 2 técnicos, 13 axentes, 27 brigadas, 24 motobombas, 3 pas, 3 helicópteros e 2 avións. 
Félix Jorquera pasou polos micrófonos de RadioVoz no Barco Museo Boniteiro Virxe do Carme ao concelleiro de Mar, Ramiro Fernández; á presidenta de Ledicia (entidade organizadora), Rocío Rivera; ao presidente da Fedaración estatal de confraría de pescadores, Basilio Otero; ao xerente de Expomar, José Manuel González; ao membro de Fanto Fantini (entidade organizadora do Festival Osa do Mar), Diego Campo; á pregoeira Paula Jorge Hora; ao cociñeiro Bruno Pena e á alcaldesa e Presidenta da Deputación, Carmela López.
O obxectivo deste aviso é que a cidadanía coñeza esta circunstancia con antelación e, especialmente, que as persoas con sensibilidade aos ruídos, así como as persoas propietarias de animais de compañía, poidan adoptar as medidas que consideren oportunas. O Concello agradece a comprensión e a colaboración durante estes días de celebración.
A obra, dirixida por Pepablo Patinho e preparada por rapaces de 10 a 14 anos ao longo do curso, servirá de antesala ao certame e permitirá visibilizar o labor formativo da Escola e o compromiso de Cariño co teatro desde idades temperás. O Concello anima á veciñanza e visitantes a asistir a esta cita que marca o inicio dunha nova edición na que o teatro volverá situar a vila como referente cultural galego.
Autoridades autonómicas, municipais e representantes da Apehl acompañaron o anuncio. O estand da marca estará na zona VIP da saída de cada etapa, onde se ofrecerán petiscos con produtos lucenses e material promocional, incluída a guía turístico-gastronómica. Cheché Real destacou a continuidade do proxecto e agradeceu o apoio institucional. A acción conta coa colaboración de numerosos consellos reguladores, entidades agroalimentarias e empresas da provincia.
Desde a entidade explican que “con este paso estratégico, la firma busca integrarse activamente en el tejido económico del municipio y colaborar de forma estrecha en la promoción de un modelo de turismo sostenible, desestacionalizado y respetuoso con el entorno natural…”. Engaden que “creemos que para proteger nuestro entorno primero debemos aprender a amarlo” e que “nuestra incorporación a ACISA representa una oportunidad idónea para crear sinergias con la hostelería, el comercio y los servicios locales”. Tamén sinalan que “la adhesión a la patronal ribadense refuerza el compromiso de la empresa con la calidad turística planificada de la zona”. Máis información en 
O evento reunirá artistas e agrupacións que representan a tradición musical da zona, nunha xornada pensada para reivindicar a historia sonora do Val e o legado das súas xeracións de músicos. A programación inclúe un obradoiro musical gratuíto para nenos de 5 a 12 anos, unha mesa redonda moderada polo escritor Lionel Rexes e unha ampla quenda de concertos con participación de intérpretes e grupos vinculados ao territorio. Durante todo o festival poderá visitarse a exposición fotográfica Aquí segue soando a música, que recolle imaxes antigas e actuais para mostrar a evolución musical da comarca desde comezos do século XX ata hoxe. A iniciativa conta coa colaboración do Concello do Valadouro, o Concello de Alfoz, a Xunta de Galicia, a Deputación de Lugo e o CENTRAD.
