“Por Viveiro, realizou un estudo detallado do consumo eléctrico do Concello de Viveiro, e cos prezos de mercado, de non renovar o contrato, aforrariamos entorno a 43.000€”
Viveiro, 24 de marzo de 2023. No pleno de onte xoves, 23 de marzo, celebrado ás 14.00 e por urxencia, para que non se lle fixera moita publicidade, o Goberno Municipal do Partido Socialista, presentou a proposta de prórroga do contrato do suministro eléctrico por un ano. Se ben o contrato realizado recolle esta posibilidade, o lóxico en calquera fogar, empresa ou administración, e vistos os prezos da enerxía, sería estudar varias posibilidades.
Conforme aos datos aportados no pleno de Viveiro, por parte do Goberno, os datos de consumo eléctrico foron os seguintes nas últimas 3 anualidades.
Ano 2020 611.237€
Ano 2021 502.594€
Ano 2022 702.452€
O Goberno local, ante unha suba de 200.000€ no gasto da luz, en lugar de buscar algunha alternativa máis económica, opta, sen tempo de retractarse, pola prórroga do contrato do suministro eléctrico.
Ante esta situación os independentes de Por Viveiro, a pesar de ter poucos días para estudar a documentación, fixemos un estudo comparativo, e cos prezos do mercado a día de hoxe, o aforro podería ser de 43.380,25€, unha cantidade significativa e que daría para outras inversión no Concello.
En declaración aos medios, o portavoz de Por Viveiro, Bernardo Fraga, indicou: “É incrible a forma de xestionar deste goberno, podendo aforrar coa realización dun novo contrato, óptase pola opción máis desfavorable para as arcas municipais” “Os votos favorables PSOE estaban claros, o incrible é que o PP local, ou as abstencións de BNG e SON apoien a xestión socialista neste ámbito cando resulta máis cara para Viveiro”
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
