A Mariña, 4 de marzo, 2023. Por segundo ano consecutivo a Asociación Amigos Camino del Mar Peregrinación a Santiago de Compostela organizará o proxecto: “El Camino del Mar Concello a Concello”, proxecto desenvolto o ano pasado e que foi un éxito de participación durante todas as etapas. O ano pasado, ao ser Ano Santo fíxose para chegar a Santiago o día 24 de xullo e poder estar o día da festividade do Santo en Santiago.
Este ano como non temos ese condicionante de data de chegada, iniciarémolo antes, o domingo, 2 de abril do 2023 e tamén chegaremos antes. En base á experiencia do ano pasado e para facelo máis cómodo para os participantes introduciremos un pequeno cambio de mellora, no canto de facelo en 12 etapas, farémolo en 13 etapas. Faremos en 8 etapas o Camiño do Mar e o tramo do Camiño Inglés farémolo en 5 etapas, no canto de 4, como fixemos o ano pasado.
Con esta acción propoñémonos o obxectivo de promoción, divulgación do Camiño do Mar e ao mesmo tempo o coñecemento de por onde discorría a antiga vía de peregrinación que atravesaba os concellos de: Ribadeo, Barreiros, Foz, Burela, Cervo, Xove, Viveiro, O Vicedo, Mañón, Ortigueira, Cariño, Cedeira, Valdoviño, Narón e Neda bautizada co nome: O Camiño do Mar. Unha vez chegado a Neda, conectaremos co Camiño Inglés ata chegar a Santiago de Compostela. Participar posibilita gozar do coñecemento dun antigo Camiño, ao mesmo tempo de coñecer distintos lugares dos concellos que conforman o Camiño do Mar e a historia propia da peregrinación polas nosas comarcas.
As etapas están planificadas para unha media dun 23 km. aprox. Desenvolvésense todas en domingo, empezando o día, 2/4/23 en Ribadeo e chegando a Santiago de Compostela, o domingo día, 25/6/23.
Todos aqueles participantes terán opción de levar credenciais e ao finalizar o Camiño obter a Compostela, en Santiago, para iso iremos selando en cada un dos concellos polos que discorre o Camiño do Mar, realizando dous selos en cada etapa, un de saída e outro de chegada.
Dirixímonos a todos os alcaldes dos distintos concellos polos que discorre o Camiño do Mar para solicitarlles o mesmo apoio e colaboración que nos prestaron na edición anterior. Con esta pequena acción mostrarán o seu apoio á divulgación e promoción do seu concello en xeral e do Camiño de Santiago que discorre por el, en particular. Agradecémoslles a súa implicación e apoio, para o desenvolvemento deste proxecto.
Informar tamén que este ano a inscrición terá unha cota limitada de participación, por iso animamos aos interesados que o realicen na maior brevidade posible e así asegurarse a súa participación.
Para poder apuntarse a realizar o Camiño do Mar poderano facer na web da asociación: https://www.asocaminodelmar.es no apartado de accións, 2023, concello a concello, alí atoparán toda información, para poderse inscribir. A ligazón é o seguinte: https://www.asocaminodelmar.com/acciones/2023/concello-a-concello
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
