Ribadeo, 4 de marzo de 2023. Como cada ano a Concellería de Igualdade conmemorará o 8 de marzo, Día Internacional da Muller, para reivindicar os dereitos das mulleres e render homenaxe a todas as que loitan pola defensa da igualdade.
A Área de Igualdade do Concello de Ribadeo programa un mes de marzo centrado nos actos de conmemoración do Día Internacional da Muller, e que se desenvolverá con actividades de diferente índole para reforzar o principio de igualdade.
A concelleira Mónica Freire explicou que “arrincamos reivindicando co pintado de 38 pasos de peóns a mulleres pioneiras que fixeron historia polas súas iniciativas nos seus respectivos campos co obxectivo de facer reflexionar e de concienciar á cidadanía. Como xa anunciamos deste xeito pretendemos visibilizar a mulleres como Manuela Barreiro, Luz Pozo Garza e Concepción Arenal, entre outras, que romperon cos estereotipos establecidos pola cultura patriarcal abrindo novos espazos para as seguintes xeracións de mulleres”.
A edil ribadense anunciou que “ao longo do mes editarase un folleto onde, xunto ao rueiro de Ribade, estarán sinalizados os de peóns cos nomes de cada unha das 38 mulleres. Ademais o vindeiro luns, 6 de marzo, dentro do programa O Concello cos Coles a poeta Olga Novo, galardoada co premio Nacional de Poesía en 2020, visita ao alumnado do IES de Ribadeo Dionisio Gamallo e Escola Oficial de Idiomas. E o 8 de marzo adherímonos e chamamos á participación na manifestación feminista 8M, organizada por varios colectivos, que sairá ás 20:00 horas do aparcadoiro situado a carón da rotonda do instituto”.
Freire Rancaño seguiu a contar que “o 11 de marzo ás 20.00 horas no Auditorio Municipal Hernán Naval Leilía traerán as súas Vidas Cantadas a Ribadeo, un concerto moi especial. Despois de máis de 30 anos sobre os escenarios as pioneiras Leilía están inmersas na súa xira de despedida. A entrada xeral terá un prezo de 10 euros e para persoas desempregadas, estudantes ou xubiladas será de 5 euros. Ao día seguinte, o 12 de marzo, Trinke Trinke Teatro representará O ratiño presumido ás 17:30 H na Biblioteca Municipal O Vello Pancho. Trátase dunha versión adaptada do conto popular que aborda o tema da igualdade de xénero para romper cos estereotipos. A entrada será de balde ata completar a capacidade do espazo”.
A concelleira de Igualdade engadiu que “a partir do 18 de marzo de 11 a 13:30 horas na Casa do Viejo Pancho ofrecemos un obradoiro de biodanza para mulleres Movéndonos cara o botrato, que será impartido por Mari Fidalgo, psicóloga e facilitadora autorizada de Biodanza SRT. Esta actividade ten unha frecuencia quincenal con 4 sesións en total, os días 1, 15 e 29 de abril ademais do 18 de marzo . As prazas son limitadas e adxudicaranse por orde de inscrición que poderá facerse nas Oficinas do CIM ou no teléfono 982120739 ata o 10 de marzo. As clases son gratuítas”.
A Área de Igualdade do Concello de Ribadeo anima “á cidadanía a que participe en todos os actos programados para este mes de marzo e lembre o destacado papel que a muller xoga na sociedade”.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.
