Para que lemos? Cal é a motivación que fai que, entre todas as posibilidades ao noso alcance para pasar unhas horas, elixamos abrir as páxinas dun libro e mergullarnos nel? As respostas necesariamente son múltiples e diversas segundo cadaquén. Pero hai algo que si é seguro: non somos conscientes de todas elas. Se nos preguntasen diriamos algunhas, mais non as abarcariamos todas. Hai unha que case con toda seguridade non mencionariamos pero, quen sabe, quizais estea aí, presente, sen nós sabelo: lemos para asombrármonos.
Dinos a Real Academia da Lingua Galega que unha das acepcións de asombro é «Impresión de admiración ante algo extraordinario, pouco usual, inesperado». Asombrámonos ante algo que desborda as nosas expectativas, que nos parece incrible, que nos bota fóra dos nosos esquemas, xuízos e pensamentos habituais.
Lía hai poucos días un artigo de Francesc Miralles no que contaba como o asombro é unha emoción que a nivel físico produce efectos beneficiosos ligados á relaxación e á mellora das funcións fisiolóxicas básicas e a nivel psíquico, axuda a eliminar os pensamentos negativos e nos reconecta co misterio da vida.
O asombro é unha emoción que xorde de maneira espontánea na infancia. Na mente infantil aínda aberta e libre de cargas sociais, son moitas as experiencias cotiás que se viven como asombrosas. As persoas adultas que rodeamos os pícaros podemos xogar a favor ou en contra desta capacidade infantil: a sobreestimulación é a súa inimiga declarada. A divulgadora Catherine Lecouyer explica no seu libroEducar en el asombroa necesidade de tempo e espazo para que nenas e nenos poidan experimentar e conectarse con esta sensación benfeitora.
E que pasa coas persoas adultas? Parece que pouco a pouco o enxordecedor ritmo das nosas ocupacións e as preocupaciónspropias do mundo adulto nos van separando desta capacidade que nos é dada dende a infancia, porén, non desaparece, podemos cultivala nós tamén. Di Frances Miralles que, segundo recentes investigacións, un réxime diario de cinco minutos de asombro abonda para mellorar as nosas vidas sensiblemente.
E aquí rescatamos a lectura e a súa capacidade para asombrarnos. Asómbranos a beleza. Asómbranos a capacidade da escritura para plasmar emocións e vivencias que temos experimentado sen poñerlles nome e que de súpeto vemos plasmadas nun texto. Asómbranos a capacidade das autoras e autores para dar vida con poucas palabras, as xustas, a emocións, vivencias, personaxes, descricións… esa sensación de: Ala!Que capacidade de usar a linguaxe, de atopar novas connotacións a palabras cotiás, de reflectir con poucos elementos experiencias moi fondas, de crear personaxes tan vívidos que parecen máis reais que moitas das persoas que coñecemos! Asómbranos a súa capacidade de provocar en nós novos puntos de vista, de derrubar prexuízos, de darnos a coñecer realidades afastadas no tempo ou no espazo, de facernos repensar verdades que criamos asentadas e inmutables.
A experiencia lectora é, debe ser, unha experiencia de asombro. Recoméndovos que busquedes autoras e autores que vos asombren e con elas, con eles, vivades eses cinco minutos diarios que nos fan a vida máis saudable e autenticamente humana.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
