Ribadeo, 10 de abril de 2023. Co lanzamento a partir de hoxe, 10 de abril, de sete vídeos do concerto de Oreka TX + Banda remata o proxecto Píllara, no que participaron máis de 1.300 rapazas e rapaces de todos os centros de ensino de Ribadeo entre o 27 de marzo e o 9 de abril.
Estes vídeos forman parte da gravación do concerto de Oreka TX + Banda xunto coas artistas convidadas Noé Rodrigo, Teresa Jareño e a ribadense Irene Rodríguez, que se tivo que cancelar ao coincidir cos tres días de loito decretados do 1 ao 3 de abril.
Os vídeos poderán verse na canle de Youtube do Concello de Ribadeo (https://www.youtube.com/user/ConcelloRibadeo) de xeito gradual durante esta semana.
A concelleira de Cultura, Pilar Otero, fixo un balance moi positivo do programa Píllara: “por esta cita pasaron investigadores e investigadoras do CSIC -como Diana Zúñiga, Nicolás Villacieros e Luísa Martínez- e tamén o director da película documental Panteras, Andoni Canela. Este recoñecido fotógrafo de ampla traxectoria (forma parte do equipo de National Geographic )presentou o seu traballo neste filme que xira arredor dos maiores felinos do planeta e que obtivo 10 nominacións aos premios Goya”.
A edil ribadense dixo que “todos os eventos tiveron como protagonistas aos máis de 1300 alumnos e alumnas dos centros de ensino de Ribadeo (IES de Ribadeo Dionisio Gamallo, CIFP Porta da Auga, CEIP Gregorio Sanz e Colexio Sagrado Corazón), que amosaron a súa total colaboración desde o momento en que se lles presentou este ambicioso proxecto”.
Otero Cabarcos contou que “tamén o público xeral tivo ocasión de participar en todos os eventos, e así na segunda semana, xa en plena época vacacional, tiveron lugar o concerto, a acción de rúa, a proxección do documental e a exposición sonora Óso de auga no Forte San Damián. Como vemos, estamos diante dun proxecto pioneiro que xunta cambio climático, conciencia social, arte e, sobre todo, mocidade. Queremos recordar que para desenvolver este evento contouse coa achega da Área de Mocidade da Deputación de Lugo”.
A edil ribadense lembrou que “Píllara, que colleu o nome deste paxariño que podemos ver na nosas praias, supuxo que o alumnado participara en 43 sesións interdisciplinares arredor do cambio climático desde o punto de vista medio ambiental, artístico e cultural. Iso foi durante a primeira semana. E xa na segunda semana, como apuntabamos antes,desenvolvéronse as actividades abertas a todo o público. Foron varios os escenarios elixidos para levar adiante Píllara: Forte de San Damián, auditorio municipal, Casa do Viejo Pancho, os propios centros de ensino, a Escola de Música e tamén houbo unha acción polas rúas peonís da vila, a da actriz e performer María Roja, que convocou arredor de sesenta persoas”.
Pilar Otero engadiu, para finalizar: “queremos agradecerlles a todos os centros de ensino a súa participación, aos ponentes que nos visitaron, aos artistas involucrados, e de xeito especial ao produtor deste proxecto, Mano Panforreteiro”.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
