Foz, 25 de abril de 2023. O Concello de Foz acaba de repoñer as fotografías do mural da rúa Julia Minguillón, enfronte da Casa da Xuventude.
O concelleiro de Turismo, Chema Linares, explica que se trata “dunha colección de fotografías en cuxa selección colaborou Xesús de Breogán e que foron feitas por Touche, aos que damos as grazas. Nelas podemos ver os diferentes estaleiros, como o de David del Riego, Santiago Pérez, Nécega, José Beltrán ou de R. López, na Espiñeira, de 1918. Destacan tamén diversas fotografías de escolas unitarias, como a de Dona Rita en 1916, Don Andrés en 1917, Dona Aia en 1949, o Martínez Otero, entón Colexio Sagrado Corazón, de 1956, ou do Colexio do Pilar, de 1960, na que se pode ver ós mestres acompañados dos pícaros da escola.Tamén hai unha representación das distintas conserveiras que houbo en Foz, como a de Dal, San Juan ou Galbán; e outras, como a dunha balea no Cu do Castro, mozos disfrutando da romaría do Bispo santo ou Siso rulando.
En definitiva estamos vendo parte da intrahistoria de Foz, da vida das súas xentes e nas que poden verse ou recoñecerse algúns veciños, familiares ou amigos”.
O alcalde de Foz, Fran Cajoto, engade que “estas fotografías completan ás que xa se puxeran nunha pantalla no Cenima, despois dun proceso de dixitalización levado acabo polo Concello, ou ás que figuran no arquivo dixital recentemente posto en funcionamento polo Concello para a preservación e difusión do noso patrimonio documental, relacionado co mundo mariñeiro, que se irá ampliado pouco a pouco cos fondos de moitos veciños. Estes paneis na rúa con estas fotografías son do agrado de veciños e visitantes ao poder ver un pouco da nosa historia reflectida nesta fotografías cando saen a pasear pola rúa. Animamos aos veciños a acudir e disfrutar dunha parte da nosa historia nesta reportaxe fotográfica”.
Ocorreu escasos minutos despois das 15 horas deste domingo, e foron recollidos pola embarcación Salvamar Shaula, de Salvamento Marítimo. Atopábanse subidos a unha balsa inchable na praia de Basteira, na Pedra (Cariño), foron arrastrados pola corrente e eran incapaces de retornar á beira. Dúas persoas metéronse na auga tratando de rescatalos, sen éxito. Ao final, a embarcación de rescate de Salvamento Marítimo recolleu aos menores e levounos ilesos ata o porto de Cariño. Ademais de a Salvamento Marítimo, desde o 112 Galicia informouse ao Servizo de Gardacostas de Galicia e aos axentes da Garda Civil.
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
