Viveiro, 12 de abril de 2023. O Concello de Viveiro acolle os próximos días 28 e 29 de abril o VI Congreso Agantro baixo o epígrafe ‘Antropoloxía en Galiza e Asturies Hoxe’.
A cita, que se desenvolverá na sala multiusos da Casa do Concello, está organizada pola Asociación Galega de Antropoloxía e deseñada como un espazo de visibilización do valor desta disciplina, ao tempo que como encontro coa Asociación Asturiana de Antropoloxía e Patrimonio Etnolóxico (ASAPE).
Na primeira sesión do venres 28 celebrarase a asemblea anual, en formato híbrido, mentres que o sábado levarase a cabo, dende as 11:00 horas, un encontro coa ASAPE para compartir experiencias.
Pola tarde, con actividades xa abertas ao público, dende as 16:00 horas será o momento da benvida oficial por parte das presidentas de ambas entidades, Yolanda Cerra e Luzía Oca. Despois continuarase cun espazo de presentación de proxectos de investigación, con tres propostas de cada territorio, ‘6×6 Antropoloxía en Galiza e Asturies hoxe’, que será moderado por Iria Vázquez Silva.
Ás 18:30 horas comezará a conversa ‘(Re)activar saberes: A Antropoloxía fronte aos desafíos dos mundos posibles’, coa participación de Llorián García-Flórez (ASAPE) e Candela Morado (UPM/INCIPIT, Agrocuir), moderada por Iñigo Sáchez Fuarros.
Os interesados en acudir ao Congreso poden obter máis información, así como inscribirse antes do mércores 26 de abril, a través da web: www.agrantro.org. Tamén poden resolver as dúbidas no email: agrantro@gmail.com
Ocorreu minutos antes das 11:30 horas. Unha persoa foi trasladada ao hospital tras resultar ferida na colisión entre un coche e un autobús no quilómetro 512 da A-8 en sentido A Coruña, en Vilaframil (Ribadeo). Entre os alertadores estiveron as persoas que viaxaban no coche, que puideran saír do vehículo. Por outra banda, o autobús conseguiu deterse uns metros máis adiante. Ao punto desprazáronse Urxencias Sanitarias de Galicia-061, a Garda Civil de Tráfico e os servizos de mantemento da autovía.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
Este venres visitaron Ferrol e As Pontes, e o sábado serán os actos institucionais de benvida no concello de Ribadeo. Pola mañá será inaugurada unha placa conmemorativa da visita, e despois a recepción oficial na Casa do Concello.
Villares detallou algunhas destas accións no encontro empresarial organizado en Vilalba pola organización profesional BNI LOU VCR Breogán, un grupo de networking integrado por unha trintena de empresarios e profesionais da provincia. Entre outras, referiuse ás axudas para favorecer o establecemento dos traballadores autónomos ou para o fomento da contratación; os plans do Igape para a expansión e innovación do tecido produtivo, ou as iniciativas de formación. “Apoiar as empresas, as pemes e aos autónomos é apoiar o futuro do territorio”, afirmou.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
