Ribadeo, 24 de maio de 2023. O Concello de Ribadeo e a Área de Cultura da Deputación xa asinaron o convenio para a rehabilitación do Forte de San Damián. O investimento ascende a 150.000 euros.
A concelleira de Cultura, Pilar Otero, dixo que “queremos informar desta moi boa nova. A sinatura deste novo convenio coa Deputación fará posible a rehabilitación do Forte de San Damián, de maneira que o proxecto de convertilo nun centro de interpretación sobre a historia do propio forte, pasa de ser un proxecto ou unha promesa electoral a unha realidade cada vez máis cercana”.
Pablo Vizoso, actual concelleiro de Turismo, recordou que “despois da súa última rehabilitación, aló pola década dos 80, o custo de mantelo aberto impedía o seu desfrute por parte da poboación ribadense e visitante. E tiña que limitarse ao período estival, no que se aproveitaban eventos culturais –como exposicións e concertos- para posibilitar as visitas”.
Otero Cabarcos contou que “esta intervención polo tanto suporá a necesaria rehabilitación deste edificio emblemático e posibilitará o seu uso como dotación cultural estable para o Concello de Ribadeo. Ata agora economicamente só era factible a súa apertura dous meses no verán, aproveitando os eventos culturais que tiñan lugar alí. É preciso encetar unha nova etapa baseada na rehabilitación, que converta o inmoble nun centro de interpretación para o futuro máis próximo. Precisamente en 2024 celebraremos os 400 anos do forte e o Concello xa leva meses inmerso na preparación de varias exposicións e visitas guiadas pensadas para ir achaiando o camiño cara esa celebración”.
Vizoso Galdo sinalou que “o edificio é un Ben de Interese Cultural desde 1949. Acondicionar estes inmobles supón afianzar o patrimonio non só arquitectónico senón tamén contribuír a garantir un dinamismo social, de iniciativas que son indicadores de vitalidade das poboacións. Significaría, no caso que nos ocupa, que estas dinámicas non estean vinculadas a unha época do ano, nomeadamente ao verán e con turismo, senón que a poboación que dun xeito ou outro é susceptíbel de usala e vaia ter nunhas condicións adecuadas de uso”.
O edil de Turismo relatou que “as obras incluirán a eliminación de barreiras arquitectónicas para acceder ao interior do edificio principal dentro do perímetro do Forte de San Damian e tamén a eliminación da maleza do muro perimetral, mellorarase a estrutura da cuberta do baluarte existente e retellarase, reparando os paramentos verticais exteriores da nave principal, incluíndo pintura nova. Recuperaremos e sanearemos a carpintaría existente, substituíndo algunhas ventás que se atopan en moi mal estado de conservación. Eliminaranse tamén as filtracións de auga en distintos puntos e delimitarase o foso do perímetro do forte mediante barreiras arquitectónicas de madeira, iluminando o exterior do edificio, dotando de electricidade independente o inmoble”.
A concelleira de Cultura engadiu que “a intervención terá un custo de 150.000 euros, que a Deputación cubre practicamente ao 100%, e ten un prazo previsto de execución de 3 meses desde o momento da súa adxudicación”.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
A alcaldesa Marta Rouco inaugurou a cita, que abriu coa IV Volta Ciclista á Terra Chá e cunha programación centrada na relación entre Galicia e Cuba e na memoria da emigración. Houbo unha mesa redonda sobre o Centro Galego da Habana, a exposición Galicia Imaxinada e música, ademais dunha mostra de xornais antigos. Rouco reivindicou a importancia de lembrar a emigración galega e apelou a mirar con humanidade as migracións actuais, destacando tamén o papel das asociacións culturais das parroquias na conservación das tradicións. A feira continúa con desfile de época, xantar popular, xogos, animación, baile cubano, foliada, queimada e propostas musicais e artesanais ata a noite.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
O próximo luns 14 de setembro comeza un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
Finalizado o encontro, de carácter privado, o Cónsul asinou no Libro de Ouro da Deputación e a Presidenta fíxolle entrega dun agasallo institucional. Trala xuntanza Carmela López manifestou a súa satisfacción porque “traballamos para avanzar en novas vías de colaboración, e en posibles proxectos que serven para reforzar a relación entre a Deputación e o veciño país de Portugal”.
