No encontro, ademais da ofrenda da Copa Galicia á afición, fíxose un acto de despedida á eterna capitá, Peque
Burela, 20 de maio, 2023. Ás 18.00 horas da tarde de onte, sábado 20, no Pavillón Municipal Vista Alegre de Burela, disputouse o encontro da xornada 29 de Primeira Federación de Futsal Feminina, Pescados Rubén Burela FS – Gran Canaria Teldeportivo FSF. Despois de comer uns deliciosos callos no Pavillón Monte Castelo, xs aficionadxs do Pescados Rubén baixaron as escaleiras ao pavillón veciño a pasar a tarde vendo xogar ao seu equipo. Tarde emotiva pola triste despedida da capitá Peque que marcha do equipo esta tempada. Tras o Fairplay ofreceuse a Copa Galicia á afección e a continuación emitiuse nunha das pantallas do pavillón un vídeo sobre todo o vivido coa eterna xogadora do Pescados Rubén Burela FS. A continuación iniciouse o encontro, que aínda que na segunda parte víron máis apertadas, o equipo mariñán dominou durante todo o xogo.
Na primeira parte se comeza Peque cunha oportunidade clara no minuto 2 e outro rexeite de Dany que vai fóra. No 3 chega o primeiro gol, tras unha boa combinación entre Peque, Dany e Irene Samper que dispara e encaixa o 1-0. Gol de Peque no minuto 6 desde dentro da área tras un pase de Emilly e outro de Patricia no minuto 7 cun disparo raso desde fóra da área que se coa entre as pernas da porteira, Mariona. No minuto 12 outra oportunidade boa de Peque cun tiro desde dentro da área que detén a porteira do equipo canario. No minuto 16 chega o segundo de Patricia, que está a facer un final de tempada espectacular, cun disparo tras un pase da capitá. Chega o descanso co marcador 4-0.
Na segunda parte o Teldeportivo fai fronte ao equipo local e aperta con maior intensidade, aínda que non consegue deter ás recentes campioas de Copa Galicia. No minuto 24 Gema aproveita un descoido de Jozi á que se lle escapa o balón e encaixa o 4-1, pero no 24, a habitual Peque mete o 5-1 desde o punto de penalti despois dun pase de Patricia. No 27, Irene Samper marca o 6-1 tras un pase de Emilly e no 31 outro de Dany cun pase de Peque. Nos últimos minutos do encontro comezan os cambios con as xogadoras dos equipos da base do Burela, Claudia, Dasha, Ester, Masha e Sonya, importante apoio para o persoal despois de xogar tantos partidos de Copa e coas diferentes seleccións nacionais. No minuto 36, xa con porteira-xogadora, Virginia atopa o 7-2 e no 38, Escribano o 7-3 cun disparo desde fóra da área.
Tras o partido continuouse coa homenaxe para Peque cunhas palabras por parte da afección e tamén por parte da xogadora. Un emotivo ata sempre que rematou cun eterno aplauso por parte da afección.
Coa indisposición de Julio Delgado por motivos médicos, Pablo Díaz está contento cos resultados, afirma que se conseguiron os obxectivos, ademais de conseguir os tres puntos, “ofrecer unha boa imaxe e saír con boas sensacións. Estes partidos con equipos da zona baixa realmente sempre nos custan, saímos poida que algo relaxados aínda que neste caso creo que foi ao revés. Na primeira parte demos boa imaxe, saímos ben, enseguida solucionamos o partido e na segunda creo que estivemos algo máis espesas”. Sobre as xogadoras cadetes e xuvenís que apoian ao conxunto, “meréceno, lévannos axudando durante toda a tempada, somos unha plantilla curta e xa desde o principio están en moitos adestramentos con nós”. Sobre o importante partido que vén, contra o Poio “non imos ir a empatar evidentemente, imos ir a gañar coma sempre e é importante porque conseguiríamos o factor cancha a favor”.
Ficha Técnica Pescados Rubén Burela FS – Gran Canaria Teldeportivo FSF
Pescados Rubén Burela FS: Jozi (P), Dany, Peque (C), Antía Pérez, Irene Samper – cinco inicial- Saki, Claudia, Jenny, Dasha, Masha, Patricia, Sonya, Emilly, Ester (P).
Gran Canaria Teldeportivo FSF: Mariona (P), Collado, Martita, Anita, Escribano – cinco inicial -, Pina, Sofia, Idoya, Gema, Virginia, Play, Marta J. (P)
Goles: Min.2 Irene Samper 1-0, min.5 Peque 2-0; min.7 Patricia 3-0; min.15 Patricia 4-0; min.23 Gema 4-1; min.24 Peque 5-1; min.26 Irene Samper 6-1; min.30 Dany 7-1; min.35 Virginia 7-2; min.38 Escribano 7-3.
Equipo Arbitral: Iria de Luis Iglesia, Javier Menéndez Nistal, Andrea de Luis Iglesia, Pablo Coello Martínez.
TA: min.26 Martita, min.38 Sonya.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
