Daniel Castro criticou a García Comesaña por non exercer as súas competencias en materia sanitaria e non ofrecer unha solución á “fuga de persoal” forzada polas “condicións de traballo precarias” neste hospital
Santiago de Compostela, 10 de maio 2023.- O BNG levou ao Pleno da Cámara a situación do persoal sanitario do Hospital de Burela, que procura destinos noutros centros por mor da situación “de estrés laboral, sobrecarga de traballo e condicións precarias”, criticou o deputado da Mariña, Daniel Castro.
O parlamentario nacionalista quixo dar a volta ao argumentario Popular “porque mentres vostedes relacionan os problemas da sanidade pública coa falta de médicos, aquí iso non ocorre”, criticou, en alusión a saída de persoal facultativo “que comezou ca marcha de enfermeiras e enfermeiros e persoal de fisioterapia, sabemos perfectamente que marcharon a territorios como Asturies e Euskadi e vostedes dixeron que marchaban por “motivos persoais”, iso é mentira”, incidiu.
Castro fixo referencia a saídas recentes de máis persoal do centro sanitario, como “un facultativo de Hospitalización a Domicilio a mediados de febreiro, dous facultativos do Servizo de Urxencias, un a finais de marzo e outro en abril, un médico especialista en neuroloxía, a finais de xaneiro e varios facultativos de Medicina Interna en xuño”, relatou, sen esquecer que unha das prazas vacantes desde decembro segue sen cubrirse a día de hoxe.
“Toda esta xente marcha por cuestións persoais? Vívese tan mal na Mariña?”, preguntouse o deputado mariñán sobre a responsabilidade do Executivo do PP en competencia sanitaria en Galiza, e fixo mención ás denuncias “das e dos facultativos, que sinalan a relación que existe entre a tensión intensa e duradeira no tempo con problemas diversos de saúde, tanto físicos como mentais, tales como dificultades para durmir, irritabilidade, depresión, dermatite, problemas dixestivos e cardíacos”.
“Debido a falta de internistas neste hospital tivéronlle que pagar taxis a médicos de Lugo para que foran ao hospital de Burela”, reprobou Castro a García Comesaña, ao que lle botou en cara “o seu non á ILP con máis sinaturas da historia de Galiza a prol dunha sanidade pública mellor”. Un conselleiro de Sanidade que escusou as baixas nos motivos persoais do persoal facultativo, mais non aclarou situacións “como que dun total de dez internistas só haxa tres dispoñibles, pero é algo normal na normalidade dun PP que non lle estraña ir a velocidade de Fórmula 1 no coche da Deputación de Ourense”, concluíu Castro.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
