Ante o remate do convenio colectivo, que inclúe o comercio metal, o BNG reclama á Xunta promover todas as accións necesarias para acadar un acordo entre as partes co fin de garantir o poder adquisitivo dos salarios afectados pola perda de 12,1 puntos en dous anos e medio
Santiago de Compostela, 26 de maio, 2023. O BNG leva ao Parlamento galego o conflito do convenio do metal de Lugo e insta á Xunta a emprender todas as accións necesarias para que as partes acaden un acordo que garanta o poder adquisitivo dos salarios do persoal afectado polo Convenio colectivo das Industrias da siderometalurxia da provincia de Lugo.
O portavoz de industria do BNG, Ramón Fernández Alfonzo, (Mon), xunto aos deputados Olalla Rodil e Daniel Castro afirman que a actual situacións do persoal afectado “é insostible”, soportando os salarios máis baixos dos convenios do mesmo sector respecto das outras provincias galegas. Os deputados e deputadas do BNG, sinalan que esta circunstancia provoca “un grande impacto social e económico” en toda a provincia con máis de 5.000 persoas do colectivo afectadas.
Mon Fernéndez explica que o Convenio colectivo para as industrias da siderometalurxia da provincia de Lugo, que inclúe tamén o comercio metal, rematou o período da súa vixencia o pasado 31 de decembro do ano 2021 e na actualidade, as partes están nun proceso de negociación no que a patronal non acepta establecer no convenio “unha cláusula de revisión salarial que garanta a actualización dos salarios conforme ao IPC”, negativa que xa provocou a resposta dos traballadores e traballadoras con varias xornadas de folga que poden prolongarse de non acadar un acordo.
Perda do poder adquisitivo de 12,1 puntos en menos de dous anos e medio
Desde o ano 2021, engade o nacionalista, o IPC en Galiza sitúase en 14,6 puntos, mentres que neste período os salarios do persoal das industrias da siderometalurxia de Lugo viron incrementados os salarios nun 2,5%, é dicir, “levan acumulada unha perda de poder adquisitivo de 12,1 puntos en menos de dous anos e medio”.
A proposición non de lei rexistrada polo BNG no Parlamento galego buscará o acordo de todas as forzas parlamentarias para instar á Xunta a “implicarse activamente e evitar a perda de poder adquisitivo dos traballadores e traballadoras” ademais de garantir un poder de “compra fundamental” para soster a economía en xeral e nomeadamente a economía da hostalaría e comercio local, sectores gravemente prexudicados pola redución do gasto das familias.
O BNG, recalca o nacionalista, solicitará ao Parlamento de Galiza instar á Xunta a promover as accións necesarias para conseguir que as partes cheguen a un acordo que garanta o poder adquisitivo dos salarios do persoal afectado polo Convenio colectivo das Industrias da siderometalurxia da provincia de Lugo.
A interrupción do servizo está prevista entre as 8.00 e as 19.00 horas con motivo dos traballos de conexión á nova obra de saneamento que se está a executar na contorna. Trátase dunha intervención necesaria para avanzar na mellora das infraestruturas e dos servizos básicos na zona.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
