O Pescados Rubén Burela FS sobreponse a un canso Futsi, ganando o primeiro punto sen o factor cancha, oportunidade para levarse a liga o próximo sábado na casa
Burela, 17 de xuño, 2023. Comezaba a final do Playoff no Pavillón La Estación de Navalcarnero esta tarde ás 18.00 horas, co primeiro encontro da final dos Playoff polo Título de Primeira Federación de Futsal Feminino, Futsi Atlético Navalcarnero – Pescados Rubén Burela FS, cun resultado final de 1-2. Un partido bastante igualado en xeral, pero con moitos momentos de dominio do Burela, que aínda que non conseguiu finalizar co tino ao que nos ten afeitos tivo moitísimas oportunidades claras, – moitas máis que o Futsi – e conseguiu exceder ao equipo madrileño ao que se lle notou o desgaste da semifinal na que tivo que xogar os tres encontros chegando á prórroga no terceiro. A pesar da tensión dun clásico tan disputado, as mariñás souberon manter a calma e, coa madurez que as caracteriza sabendo competir ante un Futsi que pelexou ata o último minuto pero non logrou vencer ás Guerreiras Laranxas.
Na primeira parte comeza o Pescados Rubén con forza coa primeira oportunidade clara do encontro, un tiro frontal de Irene Samper no minuto 2 que salva a meta Belén que xogou durante a primeira parte. Continúa o xogo durante toda o primeiro tempo con bastante tensión e dous equipos previdos que buscan ese primeiro gol para poñerse por diante canto antes. Non é ata o minuto 15 no que Antía atopa o 0-1 cun gol nun rexeite tras un tiro de Patricia con asistencia de Peque, que detén Belén pero non logra deter a Antía que remata conseguindo poñer por diante ao seu equipo para o descanso.
No segundo tempo ambos equipos sacan o mesmo 5 inicial que na primeira parte salvo a porteira, entran Jozi Oliveira e Marta Balbuena á pista para disputar toda a segunda parte. No primeiro minuto Peque abandona a pista por Antía e non volverá xogar en todo o que resta de partido, debido a un golpe no pé na primeira parte na que a capitá aterriza sobre a mesa arbitral. Nesta segunda parte o Burela lócese, aínda que non consegue moitos goles domina de novo o encontro, con máis intensidade e con moitísimas oportunidades. Catro clarísimas de Saki entre os minutos 24 e 33, unha delas ao pau, que levantaron ao sector laranxa que veu a Madrid nun autobús proporcionado polo club para animar aos seus Guerreiras. Comeza a segunda parte con máis forza, oportunidade de Antía no minuto 2 cun disparo desde fóra da área que detén Marta Balbuena, gran partido da porteira. No minuto 2 Emilly, despois dun pase longo de Irene Samper, tamén atopa o muro Balbuena. Despois dunha das 4 oportunidades clarísimas de Saki comeza a presionar algo máis o Futsi e chega o gol de Becha no minuto 27. Pero nun minuto o Burela volve sobrepoñerse e chega o 1-2 cun golazo de Irene Samper dun disparo potentísimo desde fóra da área. Tres oportundidades de Saki e o Futsi opta pola porteira xogadora con Leti no minuto 35, tentando atopar o empate durante o resto do partido sen éxito.
Remata o encontro e o Pescados Rubén Burela FS consegue o primeiro punto, en territorio rival, que lle permitirá disputar o segundo na casa, coa rede dun terceiro partido o seguinte martes en caso de perder en Vista Alegre. O equipo volve a Burela esperando levar a liga este mesmo sábado que vén nunha bombonera que se prevee chea e con moita esperanza de levar o cuarto título de catro disputados esta tempada podendo celebralo na casa coa familia.
Ficha Técnica Atlético Navalcarnero – Pescados Rubén Burela FS
Pescados Rubén Burela FS: Caridad (P), Dany, Peque (C), Irene Samper, Emilly – cinco inicial- Saki, Jenny, Antía Pérez, Patricia, Jozi Oliveira (P).
Futsi Atlético Navalcarnero: Belén (P), Leti (C), Irene Córdoba, Ame Romero, María Sanz, – cinco inicial -, Becha, Luchi, Laura Córdoba, Desi Godoy, Marta Balbuena (P)
Goles: Min.15 Antía 0-1; min.27 Becha 1-1; min.28 Irene Samper 1-2.
Equipo Arbitral: Alberto Carrión Álvarez, Fernando Faubell Zaldívar.
TA: min.3 Emilly, min.19 Jenny, min.20 Leti, min.35 Becha
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
Pasada a medianoite, un vehículo saíuse da vía na N-634. Como consecuencia do impacto, tres persoas resultaron feridas. Da asistencia sanitaria ocupáronse os profesionais de Urxencias Sanitarias de Galicia-061 e os axentes da Garda Civil de Tráfico da seguridade na vía. Os Bombeiros de Barreiros tamén acudiron, sen embargo, ningún dos feridos estaba atrapado.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
