Nas vindeiras semanas, publicarase a convocatoria da liña de axuda InnovaPeme orientada a apoiar a incorporación da innovación e o deseño nas pemes
Palas de Rei (Lugo), 6 de xuño de 2023. A directora da Axencia Galega de Innovación da Xunta de Galicia, Patricia Argerey, visitou esta mañá en Palas de Rei a empresa Jim Sports, dedicada á fabricación e distribución de equipamento deportivo. Argerey destacou o exemplo da peme lucense como caso de éxito de innovación continua para facer fronte aos retos do mercado, a través da dixitalización e automatización dos procesos de produción, loxística e almacenaxe para incrementar a súa produtividade ou a escoita activa dos consumidores e do mercado para adiantarse aos cambios nas necesidades dos seus clientes, entre outros aspectos.
Argerey lembrou que a innovación non é só unha cuestión relativa a grandes empresas tecnolóxicas, pois está ao alcance de todas, independentemente do seu tamaño, localización ou sector. Tamén apuntou que Jim Sports, situada nun concello rural, fabrica e distribúe material deportivo para máis de 30 disciplinas, conta con máis de 17.000 referencias no seu catálogo de produtos.
Pola súa banda, os representantes de Jim Sports aproveitaron para explicar os novos proxectos nos que está inmersa destacando a futura creación dun depósito aduaneiro público, co que espera gañar competitividade para as súas empresas e tamén para as que queiran facer uso do mesmo, axudando así a dinamizar a zona.
Argerey aproveitou para lembrar que nas vindeiras semanas se publicará a convocatoria da liña de axuda InnovaPeme, que ten como obxectivo apoiar ao tecido empresarial a incorporar a innovación e o deseño nos seus procesos produtivos, dotada con 4,5 millóns de euros.
Durante esas xornadas realizaranse estudos xeotécnicos imprescindibles para planificar correctamente as actuacións previstas, o que require que a maquinaria e o persoal traballen directamente sobre a infraestrutura, impedindo o paso de vehículos. Recoméndase ás persoas usuarias empregar rutas alternativas durante o corte, que só permitirá o acceso ás dúas vivendas situadas na Barxa. O Concello pide desculpas polas molestias e agradece a colaboración da veciñanza.
Afirman que os accesos ao Campo da Festa resultan moi dificultosos, especialmente para persoas con carriños de nenos ou cadeiras de rodas. Critican que a obra se trasladase a esta zona xusto antes das festas, deixando outros tramos a medio facer e sen ter en conta as necesidades dun barrio que consideran “marxinado”. Sinalan tamén á alcaldesa como responsable de evitar esta situación. A veciñanza esixe un arranxo inmediato do acceso, aínda que sexa provisional, e a instalación dunha sinal luminosa na alambrada situada ao final da obra.
A actividade, dirixida pola especialista Nuria Torrado, ofreceu ás crianzas un espazo para desfrutar, moverse, xogar e aprender a conectar co seu corpo e coa respiración mediante exercicios e dinámicas adaptadas ás súas idades. No último día, a rexedora Dolores García Caramés achegouse para compartir un anaco cos participantes, escoitar as súas impresións e agradecer o traballo da monitora, incluso sumándose a algunhas das actividades. A proposta pecha cun moi bo sabor de boca, como unha experiencia para aprender, divertirse e medrar en movemento.
Ao longo destas semanas, arredor de 20 nenos e nenas iniciáronse e melloraron as súas habilidades neste deporte, desfrutando do exercicio, aprendendo e pasándoo en grande. O Concello agradece a participación da rapazada e o apoio das familias, e reafirma a súa aposta polo deporte e por ofrecer alternativas de ocio activo para os máis pequenos. A actividade estivo organizada polas Concellerías de Xuventude e Deporte e pola Oficina de Información Xuvenil.
A actuación estará a cargo da Coral Polifónica de Ribadeo coa colaboración do Coro Sagrado Corazón. A entrada solidaria ten un prezo de 6 euros e poderá adquirirse na billeteira do teatro o mesmo día, en horario de 12:00 a 13:30 e desde as 19:00 horas. O evento conta coa colaboración da AECC Lugo, o Concello de Ribadeo e o espazo cultural Castillo San Damian.
Trátase dun espazo seguro, educativo e dinámico, no que os máis pequenos poden comezar o día antes da entrada ás aulas. As solicitudes poden presentarse no Concello de Cervo ou na Casa da Cultura, e o servizo comezará o 9 de setembro. Cervo Madruga, un programa pensado para seguir apoiando ás familias do municipio.
A festa, organizada pola Asociación Alameda co apoio do Concello de El Franco, inclúe unha mesa redonda o venres 28 en El Fornello e, xa o sábado, un taller de baile infantil ás 21:00 h seguido das actuacións de El Cabazo, Herbamora, Dervish, Felpeyu e Ochobre. El Franco destaca o valor desta tradición e anima a veciños e visitantes a participar nun evento que leva máis de catro décadas celebrando música, baile e patrimonio cultural.