A autonomía reitera que a xestión pesqueira debe basearse na análise tanto dos aspectos biolóxicos como dos socioeconómicos e que a actual Política Pesqueira Común conta con eivas que é preciso corrixir para afrontar retos como a remuda xeracional ou a transición enerxética
Santiago de Compostela, 19 de xuño de 2023. O conselleiro do Mar, Alfonso Villares, participou hoxe por videoconferencia na Conferencia Sectorial de Pesca e no Consello Consultivo de Política Pesqueira para Asuntos Comunitarios preparatorio do Consello de Ministros de Pesca da Unión Europea da vindeira semana no que se realizarán as primeiras consultas sobre as posibilidades de pesca en augas comunitarias para o próximo ano. Nesta cuestión, Galicia defende a necesidade de que se fixen xa a partir de 2024 cotas plurianuais -para varios exercicios- nas principais especies de interese para a frota comunitaria.
A comunidade entende que o Goberno central debe aproveitar a Presidencia española da Unión Europea no segundo semestre do ano para promover un cambio de modelo na asignación das cotas de captura de forma que estean vixentes durante varios anos. Esa fórmula ofrecería á frota maiores certezas sobre o futuro da súa actividade e permitiríalle organizala e planificala mellor.
O Executivo galego defende un sistema plurianual que garanta unha maior estabilidade no desenvolvemento do labor do sector e que impida cambios bruscos dun ano para outro nas posibilidades de pesca pois cando se producen á baixa poñen en risco a rendibilidade da frota e os empregos asociados a ela. Nesta liña, lembra que nas decisións de xestión pesqueira que adopte a Comisión Europea deben terse en conta tanto os aspectos medioambientais como os económicos e sociais, tal como establece a Política Pesqueira Común (PPC).
Precisamente, en canto aos plans a longo prazo de Bruxelas na xestión pesqueira, Galicia lamenta a pretensión de restrinxir a pesca en augas comunitarias poñendo en marcha distintas estratexias para a protección dos ecosistemas pero sen informes científicos que xustifiquen esas limitacións á actividade extractiva.
A comunidade considera que a deriva medioambientalista que está a tomar o Executivo comunitario nas súas políticas pon en risco o futuro dun sector que é vital para a economía das zonas costeiras de Galicia e que é preciso realizar un intenso labor a todos os niveis para evitar que se repitan barbaridades como o veto á pesca de fondo decretado a finais do ano pasado en 87 áreas de augas comunitarias.
Neste sentido, a Xunta salienta a importancia de facer presión desde todos os estados membros con intereses pesqueiros para que Bruxelas actúe coa máxima rigorosidade e -tanto cando presente a súa proposta de revisión do veto á pesca de fondo como nos plans para restrinxir o arrastre- adopte todas as medidas en base a estudos biolóxicos e socioeconómicos completos, actualizados e rigorosos.
Galicia defende que calquera medida deste calado debería aplicarse de xeito gradual para evitar un impacto negativo na frota tanto pola redución das zonas de traballo -coa conseguinte concentración de buques nos mesmos caladoiros- como pola sobreexplotación das pesqueiras que quedan dispoñibles.
Este tipo de limitacións á actividade obrigarían a unha reestruturación da frota galega e europea totalmente inxustificada nun momento no que está perfectamente dimensionada. Boa mostra diso é que a maioría de especies que captura a frota galega se atopan no rendemento máximo sustentable (RMS), o nivel óptimo de capturas que garante a continuidade da actividade extractiva a longo prazo.
A comunidade tamén entende que a PPC actual conta con numerosas eivas que sería necesario corrixir e, ao contrario do manifestado por Bruxelas, aposta por revisala para dar unha resposta axeitada a algúns dos principais retos de futuro do sector pesqueiro, como a remuda xeracional ou a transición enerxética da frota.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A presidenta do Consello da Cultura Galega, Rosario Álvarez, destacou o carácter participativo da iniciativa, organizada xunto á Xunta e co apoio do Concello. O director xeral de Cultura, Anxo Lorenzo, puxo en valor o traballo colectivo e a implicación das novas xeracións. O concerto estivo dirixido por Maximino Zumalave, coa formación Hércules Brass e Rosa Aneiros como mantedora. Ademais, anunciouse que a próxima edición estará dedicada a Xosé Neira Vilas.
O vendedor da ONCE Daniel José López Legaspi foi quen levou a sorte ao municipio desde o seu posto de venda situado na Praza Maior.
Trátase dun programa de actividades para a infancia e a mocidade que se desenvolverá en xullo e agosto con propostas educativas, deportivas e culturais pensadas para facilitar a conciliación familiar. A oferta inclúe ludoteca, talleres creativos e tecnolóxicos, deporte, contacontos e eventos comunitarios como o Mercado Infantil Solidario ou o Carnaval de Verano. As inscricións realizaranse do 1 ao 15 de xuño no Concello, con prioridade para menores empadroados. O programa reforza o compromiso municipal co apoio ás familias e cun verán activo e accesible para a mocidade do concello.
A comunidade educativa convida especialmente a antigos alumnos, mestres e familias a participar nesta xornada de reencontros e lembranzas.
A festa incorporou unha mesa doce decorada con temática de faros e unha sesión de coctelería dedicada á elaboración de vermús. As persoas asistentes recibiron ademais un detalle conmemorativo: unha botella de aceite de oliva virxe extra de Oleonavas, en homenaxe ás raíces familiares do propietario. O evento incluíu numerosos sorteos grazas á colaboración de diferentes empresas, con premios como comidas en O Noso Lar, na Bodega de Ana ou no Restaurante Nito, ademais de licores, paletillas e circuítos termais. Para esta ocasión preparouse tamén unha carta especial con táboas de carne e instalouse un mural conmemorativo no local. O establecemento agradeceu a fidelidade da clientela e o apoio da veciñanza ao longo desta década, fundamentais para acadar este aniversario tan significativo.
Tras máis de vinte anos dedicada ao debuxo científico, expón desde 2013 e a súa pintura, definida pola crítica como expresiva, colorista e próxima ao surrealismo, chegou xa a numerosos países europeos e americanos. 
