Critica que priorice o turismo do litoral e as actividades náuticas, fronte a defensa da pesca, acuicultura, marisqueo e recollida de algas
Santiago de Compostela, 18 de xuño, 2023. As deputadas do BNG, Alexandra Fernández e Rosana Pérez criticaron á intención do goberno do Partido popular para aprobar, “polas presas electorais”, e de maneira “apresurada” a Lei de Ordenación do litoral á que o BNG presenta 85 emendas por considerar que o texto é “inaceptable” e contrario á economía azul xa que prioriza actividades turísticas e náuticas e a enerxía eólica fronte ao sector da pesca, marisqueo, acuicultura e recollida de algas.
Un debate sosegado cos sectores implicados
Na súa intervención, a portavoz de Ordenación do territorio, Alexandra Fernández reclamou ampliar o trámite e iniciar un “debate sosegado” cos sectores afectados co fin de acadar unha norma non secundarice a pesca e o marisqueo e poña freo a implantación da enerxía eólica mariña.
A nacionalista criticou que o PP “coarte o proceso de tramitación da Lei de Ordenación Integral do Litoral de Galiza” obviando o preceptivo informe do CES e negando o diálogo aos axentes económicos e sociais. A deputada tamén lembrou que o propio presidente do Consello Económico e Social, o ex-conselleiro, Agustín Hernández enviou unha carta para amosar as súas queixas pola tramitación da lei.
Nesta liña, anunciou que o BNG xa rexistrou un escrito na Cámara galega denunciando “o proceder escandaloso do PP” e solicitando que se abra un proceso de participación ao redor da lei. Alexandra Fernández engadiu que a queixa do ex-conselleiro non gustou ao goberno e catro días despois rexistraron o trámite da lei “pola vía de urxencia” para reducir a metade os prazos, un “novo ataque”, dixo, á calidade e funcións do Parlamento.
O PP, coarta o diálogo axilizando os trámites a calquera prezo para “facer electoralismo coa lei” e evitar enfrontarse as denuncias de diversos colectivos. Para a deputada, “unha lei que nace sen diálogo está condenada a fracasar”, e a lei do PP non está feita para gobernar, busca “a confrontación para a compaña electoral” do 23X.
Sen transferencia de competencias a lei non pode avanzar
A deputada recalcou que as 85 emendas do BNG melloran o texto porque a lei contén unha parte declarativo que despois non se vai cumprir. . Todos os plans de ordenación que propón, explicou Alexandra Fernández, se podían realizar coa actual Lei de Ordenación do Territorio e destacou que o realmente importante, é “a falta de competencias das funcións e servizos de costas”. O PP vén de votar esta semana en contra da proposta de lei do Bloque precisamente para a transferencias das funcións e servizos sobre o litoral”.
Dende o BNG propoñemos unha Axencia de Protección e Conservación do Litoral para adquirir adquisición de terreos e espazos de interese patrimonial ambiental , un Fondo de Conservación do litoral e un “novo Canon de explotacións de actividades”.
A lei non respecta a Economía Azul e prioriza o turismo do litoral, a eólica mariña e as actividades náuticas fronte a actividade pesqueira, concluíu.
O PP non respecta a Economía azul
Pola súa parte, a portavoz de pesca do BNG, Rosana Pérez insistiu en que a Lei do PP prioriza o turismo do litoral, as actividade náuticas e os espazos para a enerxía eólica mariña, fronte ao sector da pesca, acuicultura, marisqueo e recollida de algas.
A lei non recolle como actuación estratéxica a pesca e o marisqueo
Ademais, criticou enerxicamente que o Partido popular “traspasara a liña vermella” no ámbito da eólica mariña. Dende o BNG, afirmou, rexeitamos esta implantación e consideramos que non se pode efectivizar “mentres non se publiquen os informes que confirmen que as instalacións non afectan á pesca”.
A lei do goberno do PP, dixo Rosana Pérez, “é unha declaración de intencións” e non concreta medidas especifica medidas concretas en defensa do sector pesqueiro. É unha “lei inaceptable” e pedimos ampliar a súa tramitación para abrir un debate con todos os axentes implicados, concluíu
Castro destacou o labor da Asociación e o potencial da tradición do ferro como motor económico, social e cultural para Riotorto, subliñando a importancia de impulsar iniciativas que garantan futuro para estes oficios. A Deputación de Lugo mantén unha colaboración estable coa entidade, cunha achega de 14.000 euros. No marco deste apoio, a Asociación avanzou na documentación dos oficios do ferro, catalogando ferramentas, técnicas e a historia das antigas “ferrerías de monte”.
O responsable provincial destacou "o traballo realizado pola organización ao longo destes anos para consolidar unha proba deportiva de primeiro nivel, que atrae tanto deportistas do máximo nivel competitivo como participación popular"
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
