Viveiro, 23 de xuño de 2023. O Concello de Viveiro organiza ao longo do verán, dende o luns 26 de xuño ao 17 de setembro, distintas visitas guiadas, percorridos panorámicos e rutas pola natureza que buscan poñer en valor os principais lugares de interese que se atopan na vila. Estas actividades serán diarias e de balde.
O programa deseñado conta con itinerarios que se repiten cada semana, ademais doutros que van rotando ao longo de cada quincena. Un dos obxectivos que se persegue é contar coa variedade suficiente para amosar os moitos espazos de interese, á vez que se consegue un equilibrio na frecuencia dos itinerarios que transitan polos lugares máis emblemáticos de Viveiro.
Con esta iniciativa, preténdese dar a coñecer a nosa paisaxe e a nosa historia a quenes se acercan por primeira vez á localidade, pero tamén brindar a oportunidade de redescubrila ás persoas que viven aquí todo o ano.
As actividades do programa terán carácter gratuito, aínda que é precisa reserva previa no correo electrónico viveirovisitas@gmail.com xa que o aforo é limitado. As mesmas quedarán establecidas semanalmente da seguinte maneira:
Luns:
Vivertren de Covas a Celeiro.
Martes:
Visita polo casco histórico “Templos e o antigo recinto amurallado”.
Mércores:
Ruta dos Muíños de Balea. / Paseo fluvial do río Landro. (*)
Xoves:
Visita polo casco histórico “Barrios gremiais”.
Venres:
Ruta a San Roque. / Ruta a Penedo do Galo. (*)
Sábado:
Visita polo casco histórico “Séculos XIX e XX”.
Domingo:
Souto da Retorta. / Cargadoiro da Insua. (*)
O comezo das actividades terá lugar todos os días ás 11:00 horas na estación de autobuses de Viveiro, salvo os domingos, que dependendo do itinerario, comezará á mesma hora, pero no aparcadoiro do acceso ao Souto da Retorta en Chavín, ou ao presente no acceso á área etnográfica da Insua.
(*) Os percorridos dos mércores, venres e domingo alternaranse cada semana entre os indicados no propio día na relación anterior.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
