Mondoñedo, 24 de xuño, 2023. O municipio de Mondoñedo acollerá a terceira edición do All Star, organizado por Futbolinlugo en colaboración co concello de Mondoñedo e co Mondoñedo CF, ademais da axuda doutras entidades como Deporte Galego dependente da Xunta de Galicia. O evento quere seguir consolidándose como unha cita única no panorama do balompé afeccionado lucense e galego.
Celebrarase o próximo sábado 1 de xullo durante todo o día no Viñas da Veiga. Os puntos principais seguirán sendo os partidos de fútbol feminino e fútbol masculino cos mellores xogadores da tempada, en base aos puntos que semana a semana foi repartindo o medio dixital Futbolinlugo. A maiores varias actividades acompañarán un día de festa.
Este sábado presentouse o evento diante dun dos símbolos máis representativos do concello mindoniense, a súa Catedral. No acto estiveron presentes Manuel Barreira, presidente do Mondoñedo CF, Manuel Cadramón, xefe provincial de deportes da Xunta, Manuel Tapia Rivera, concelleiro de deportes de Mondoñedo e Iván Calaza, redactor de Futbolinlugo.
Máis de trinta xogadoras estarán presentes no partido entre a Selección Norte e a Sur da provincia que empezará ás 12h. Ambos combinados contarán con adestradores de excepción para a cita. Joaquín Blanco que acaba de ascender co CD Lugo a categoría estatal dirixirá a Selección Norte. Mentres que Pili Neira, histórica xogadora do fútbol galego e ex adestradora da selección galega, dirixirá o combinado sur.
Unha selección de futbolistas que este ano competiron na Preferente e na Terceira Rexional xogarán o All Star masculino fronte a un combinado de xogadores que este curso estiveron na Primeira e na Segunda Autonómica. O pastoricense Fiz Rodríguez e Pepe Martín serán os encargados de dirixir o combinado de Preferente e Terceira. Pola súa banda, a outra selección será adestrada por Paco Corredoira e Bruno Gómez. O encontro ten a súa hora de inicio prevista para as 19:00h.
O All Star comezará cunha exhibición de ‘Futbol a pé’. Esta nova modalidade futbolística, xa adscrita a RFGF, está espertando un gran interese polas Rías Baixas. Non se pode correr, só se pode andar rápido e o balón ten que ir sempre rodando polo céspede.
Logo dunha comida de confraternidade durante a tarde, haberá diversos xogos no Viñas da Veiga abertos á participación de todo o público. Iso si, é necesaria a previa inscrición a través de futbolinlugo@gmail.com. O ‘futgolf’ e o ‘rápido de cabeza’ farán desfrutar os que participen e aos que o vexan.
No acto desenvolverase tamén a final de ‘Sesión Plenario’, un concurso de cinco preguntas e respostas sobre o fútbol lucense. Haberá dous finalistas e xogarán unha final como se dunha quenda de penaltis se tratara. A maiores haberá varias homenaxes a futbolistas da provincia que deciden colgar as botas.
O campo de herba natural do Viñas da Veiga recolle a testemuña do Catro Ventos de Carballedo, localización onde se celebrou o curso anterior a gran festa do fútbol lucense.
Dende o comezo, o All Star naceu coa idea de moverse cada ano por un campo da provincia coa idea de expandir a celebración do fútbol afeccionado por todos os recunchos.
Este luns, 14 de setembro, visitaron Mondoñedo, a Praia das Catedrais e Santa Cruz. A viaxe evocou as lecturas de Cunqueiro e as súas Crónicas do sochantre, nun percorrido que incluíu a catedral mindoniense e o barrio dos Muíños, ademais da emblemática praia de Augas Santas. Pola tarde participaron nunha exhibición de billarda grazas á estimable colaboración dos billardeiros da comarca. O martes partirán de regreso a Loktudi.
Era o único ocupante do turismo e os Bombeiros de Vilalba tiveron que excarceralo. Ao fío das 13:30 horas, un particular informou ao 112 Galicia dun coche que se saíra da vía e acabara batendo contra unha árbore no quilómetro 75 da N-640, en Ludrio (Castro de Rei). O propio alertador sinalou que o accidente semellaba grave polo estado no que quedara o vehículo. Cando chegaron ao lugar, os servizos de emerxencias confirmaron que só había unha persoa implicada,un home que resultou falecido e foi excarcerado polos bombeiros. No operativo participaron Urxencias Sanitarias de Galicia-061, a Garda Civil de Tráfico, os Bombeiros de Vilalba e os servizos de mantemento da estrada.
O director xeral agradeceu aos membros e traballadores da entidade todo o seu labor na defensa dos dereitos dos máis novos. Deste xeito, puxo en valor a súa traxectoria e o compromiso cun modelo integrador e inclusivo no que os menores do sistema de protección vivan nunha contorna totalmente familiar. Neste sentido, Jacobo Rey fixo fincapé na importancia da colaboración entre a Xunta e o tecido social para seguir fortalecendo un sistema que garanta o benestar dos nenos e adolescentes, con centros como San Aníbal que conforman un auténtico fogar.
Na IV Festa dos Ovos Rotos con Chourizo e Feira de Artesanía, María José Gómez puxo en valor a importancia económica e social deste produto e o papel da artesanía alimentaria, con sete operadores presentes. Subliñou que o evento consolídase como unha cita que promove a gastronomía galega e recupera oficios tradicionais, dinamizando a vida económica e social de Castro de Rei.
Este luns, 14 de setembro, deu comezo un novo curso de español dirixido a persoas estranxeiras da man de Ecos do Sur, que se desenvolverá ata o 9 de outubro. A formación será dun total de 80 horas e as clases terán lugar de luns a venres, de 9:30 a 13:30 horas no Centro de Formación Ocupacional. O concelleiro de Inmigración, Mario Pillado, destacou o valor destas propostas para “facilitar ferramentas útiles ás persoas estranxeiras residentes no municipio e favorecer a súa integración, tanto social como administrativa”.
