A campaña Ti Podes Paralos! xa supera os 66.000 euros en doazóns
Santiago de Compostela, mércores, 05 de xullo de 2023. A asociación ecoloxista ADEGA chama á colaboración da cidadanía a través da campaña de doazóns Ti Podes Paralos! para emprender accións xudiciais contra catro proxectos eólicos situados sobre Os Ancares: Serra de Piñeira, Serra do Colmo, Serra do Furco e Chao do Marco, que suman un total de 23 aeroxeradores no seu conxunto. A campaña Ti Podes Paralos! ten como obxectivo recadar os fondos necesarios para a interposición de recursos contenciosoadministrativos contra o actual modelo eólico depredador e insustentábel promovido pola Xunta de Galiza.
Unha barreira ao paso da avifauna
Os parques eólicos Serra de Piñeira, Serra do Colmo, Serra do Furco e Chao do Marco, promovidos por Enel Green Power España S.L., están situados de forma aliñada nas catro montañas contiguas entre Baralla e Becerreá; e son resultado da fragmentación artificial dun único macroproxecto eólico de 131 MW de potencia, artellada coa finalidade de esquivar unha rigorosa avaliación ambiental, polo que podería tratarse dunha fraude de lei.
A aliñación destes parques supoñen unha auténtica barreira de paso para a avifauna entre Os Ancares e O Courel. En concreto, os 23 muíños de entre 180 e 200 metros de altura proxectados ameazan gravemente a poboación de millafre real, unha especie en perigo de extinción, e doutras aves vulnerábeis. Trátase dunha zona de alto valor ambiental cunha rica biodiversidade asociada. As poligonais rompen coa conectividade ecolóxica entre espazos da Rede Natura 2000 e ocupan terras incluídas na súa proposta de ampliación do 2008 e na Reserva da Biosfera Terras do Miño. Ademais, unha extensa lista de patrimonio protexido queda dentro destas poligonais, polas que tamén discorre a Vía Küning, variante do Camiño a Compostela.
Por todos estes motivos, ADEGA impulsa catro campañas de recadación colectiva cuns obxectivos mínimos de 6.100 euros, establecidos en dous retos correspondentes ás distintas fases de acción xurídica: en primeiro lugar, a presentación por parte de ADEGA do recurso de alzada e a elaboración do informe técnico ambiental; e en segundo termo, a interposición do recurso contencioso-administrativo no Tribunal Superior de Xustiza de Galiza, así como a solicitude de paralización cautelar.
Para poder contribuír a estes desafíos #TPP, ADEGA pon a disposición as seguintes
plataformas online de crowfunding:
https://tipodesparalos.helpbysc.com/serradepinheira
https://tipodesparalos.helpbysc.com/serradocolmo
https://tipodesparalos.helpbysc.com/serradofurco
https://tipodesparalos.helpbysc.com/chaodomarco
Charlas en Lugo e Moaña
Co obxectivo de debullar os impactos ambientais deste macroproxecto nas serras dos Ancares, ADEGA vén de convocar unha charla para o vindeiro venres, 7 de xullo, ás 20:00 horas no Centro Social Mádia Leva. Nela intervirán María Osorio, membro da Asociación Rente ao Couce, e Lucía Anido, de ADEGA-Lugo. Tamén no marco de Ti Podes Paralos!, ADEGA organiza un ciclo de charlas medioambientais en Moaña, co apoio do concello, para os días 7, 12 e 15 de xullo. O obxectivo destas palestras é apoderar a veciñanza e os colectivos locais na defensa do seu territorio fronte ás ameazas do capitalismo máis agresivo e depredador.
Logros da campaña
A campaña Ti Podes Paralos! recadou ata o momento máis de 66.000 euros entre o fondo común e todos os desafíos activos para cada parque eólico. Os últimos en superar o seu primeiro reto foron os correspondentes a P.E. Porto Vidros, en Cerdedo-Cotobade e Campo Lameiro; e ao P.E. Mesada en Vila de Cruces. Con eles, xa son un total de 11 os parques eólicos fronte aos que ADEGA xa pode iniciar as accións xudiciais co obxectivo de frealos no TSXG. A asociación ecoloxista agradece estes logros a toda a poboación implicada coa campaña.
Outros desafíos #TPP en activo
Todos e cada un dos desafíos #TPP de ADEGA que están actualmente activos, así como a información de cada un deles sobre a súa evolución na recadación solidaria, poden ser consultados na páxina web principal da campaña Ti Podes Paralos!:
https://tipodesparalos.helpbysc.com/inicio.
ADEGA tamén ofrece a posibilidade de destinar as doazóns a un fondo común non adscrito a ningún proxecto eólico en particular, e que servirá de apoio ao conxunto dos desafíos impulsados por ADEGA: https://tipodesparalos.helpbysc.com/fondocomun. Todas as doazóns que se efectúen poderán desgravar até o 80% na declaración da renda.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
